Mateo 18:24 - AHYERƐLƐ KRONGRON

²⁴ Na ɔhyɛle ngondaabulɛ ne abo nen, bɛfale ko bɔ ɔma ye kerɛ talɛnde apee buru ɔ bɛwale ye berɛ.

Mateo 18:24 Iomraidhean Croise

Gyenesise 44:10

Awuro neafoɛ ne sele kyɛ, “Yoo, mepene so, sona bɔ ngonwu kulie ne wɔ ye berɛ ne, ɔkɔyɛ m’akoaa, nakoso ɛmɔ ngaa ne de, ɛmɔkɔfa bɛ nwo bekoli.”

1 Aberɛso Dwirɛ 29:7

Bɛfale sɔ nningyein hemɔ bɛbokale Nyameɛ awuro silɛ nwo adwuma ne: esikaa kɔkorɛ kilo apee ɛyaa ko aburasoo, esikaa kɔkorɛ mbembenanneɛ kilo aburawɔtwɛ ne nna, ɛdwetɛ kilo apee ɛyaa nza aburanna, kɔɔbere kilo apee ɛyaa nzia ne buru, yeɛ buralɛ kilo apepesrala nza, apee ɛyaa nna ne aburannu.

Ɛsra 9:6

na nzele kyɛ, “O me Nyameɛ, ɔyɛ me nya paa, na mafɛre kyɛ ngɔpagya me nye ngɔnea wɔ ɔ. Ofikyɛ me Nyameɛ, y’amumuyɛɛ wasone pee, na yɛ mvomsoɛ wadwu nyameɛso.

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Edwein 40:12

Ofikyɛ amaneɛ bɔ bɛka a bennwu ye noa ɔ, bapɛ me nwo bayia, m’amumuyɛɛ mɔ babungam bafa me so, bɔ ɔmma mengora mennwu nikye ɔ; bɛsone bɛtra me ti nwiaa, na wamaa ahunundetelɛ atɔ me so.

Mateo 18:23

Ye sɔ ati, nyameɛso ahennie ne, ɔte kyɛ ɛhene bie bɔ né ɔpena kyɛ ɔne ye ngoaa bebu ngondaa ɔ.

Mateo 18:25

Né ɔngɔhora kerɛ ne tua, yiti ye mene ne hyɛle kyɛ bɛtɔne ye, ɔne ɔye ne ye mma, yeɛ bɔ ole ye amukoraa, ná bɛfa betua kerɛ ne.

Mateo 25:15

Na ɔmane ko talɛnde nnu, ɔmane ko wora talɛnde nyɔ, yeɛ ko wora ɔmane ye talɛnde ko; kyɛbɔ bɛ nu biala ye mmɔdenbɔlɛ osi te ɔ, na afei otuli atee ne.

Mateo 25:16

Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

Mateo 25:20

Na ko bɔ onyane talɛnde nnu ne wale, ɔfale talɛnde nnu yeɛ ɔbokale so wale ɔ, na osele kyɛ, ‘Me mene, ɛmane me talɛnde nnu. Na nea, manya ye nwo talɛnde nnu.’

Mateo 25:22

“Na ko bɔ onyane talɛnde nyɔ ne koso wale, na ɔhane kyɛ, ‘Me mene, ɛmane me talɛnde nyɔ. Na nea, manya ye nwo talɛnde nyɔ.’

Mateo 25:24

“Afei, ko bɔ onyane talɛnde ko ne koso wale, na ɔhane kyɛ, ‘Me mene, mese kyɛ ɛte sona bɔ wɔ dwirɛ yɛ se ɔ, ebu nnɔbaeɛ wɔ nekaa bɔ elluale hwee ɔ, yeɛ ɛboaboa aleɛ noa wɔ nekaa bɔ elluale hwee ɔ;

Luka 13:4

Anaa mmenia buru ne mmɔtwɛ bɔ Siloam abandenden bu guale bɛ so huni bɛ ne, ɛmɔdwene kyɛ né bɛte bɔnefoɛ bɛtra mmenia amukoraa bɔ bɛte Yerusalem anaa?

Luka 16:5

“Yiti ɔfrɛfrɛle bɛ bɔ bɛma ye mene kerɛ ne maa bɛwale ye berɛ ngoko ngoko, na obisale bɔ oli moa ne kyɛ, ‘Ɛma me mene kerɛ sɛɛ?’

Luka 16:7

Yeɛ obisale ko ne koso kyɛ, ‘Wɔ koso, ɛma kerɛ sɛɛ?’ Na obuale kyɛ, ‘Atokoɔ ngotoku ɛyaa ko.’ Na osele ye kyɛ, ‘Wɔ kerɛ ne, ye nwo krataa ɛhe, kyerɛ aburawɔtwɛ!’