Mateo 18:22 - AHYERƐLƐ KRONGRON

²² Na Yesu buale ye kyɛ, “Menga mengyire wɔ kyɛ pɛen nzoo, na mmom aburasoo sɔ alaa nzoo.

Mateo 18:22 Iomraidhean Croise

Gyenesise 4:24

Sɛ bɛkɔtɔ Kein so wereɛ pɛen nzoo de a, nzaade bɛkɔtɔ Lamɛke so wereɛ aburasoo ne nzoo.”

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Mateo 18:23

Ye sɔ ati, nyameɛso ahennie ne, ɔte kyɛ ɛhene bie bɔ né ɔpena kyɛ ɔne ye ngoaa bebu ngondaa ɔ.

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Romanfoɛ 12:21

Nnɛma bɔne di wɔ so ngonim, na mmom fa paa di bɔne so ngonim.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.