Mateo 18:15 - AHYERƐLƐ KRONGRON

¹⁵ “Sɛ eliɛma yɛ wɔ tɛɛ a, kɔhã ye mvomsoɛ kyire ye wɔ mmerɛ bɔ ɛne ye bɛ munyɔ pɛ yeɛ bɛwɔ berɛ ɔ. Sɛ otie wɔ a, anya eliɛma.

Mateo 18:15 Iomraidhean Croise

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 18:14

Sɔ ala yeɛ ɛmɔ Baba bɔ ɔwɔ nyameɛso ne, onguro kyɛ ngwadaa hemɔ nu ko po komini ɔ.

Mateo 18:21

Yeɛ Petro wale Yesu berɛ oobisale ye kyɛ, “Awurade, pɛen nyɛɛ yeɛ nniɛma yɛ me tɛɛ a, mva ngyɛ ye ɔ? Pɛen nzoo anaa?”

Mateo 18:35

“Na sɛ ɛmɔanye ɛmɔ kunu fitaa bamva ɛmɔ aliɛma mvomsoɛ bangyɛ ye a, sɔ ala yeɛ me Baba bɔ ɔwɔ nyameɛso ne koso kɔyɛ ɛmɔ ɔ.”

Romanfoɛ 12:21

Nnɛma bɔne di wɔ so ngonim, na mmom fa paa di bɔne so ngonim.

1 Korintofoɛ 8:12

Na sɛ ɛmɔyɔ ɛmɔ aliɛma mɔ sɔ bɔne ne bɛfa betia bɛ tiboa bɔ ɔyɛ mmerɛ ne a, né ɛmɔayɔ batia Kristo.

2 Korintofoɛ 7:12

Nna bɔ wayɔ ebie tɛɛ, anaa bɔ ebie ayɔ ye tɛɛ ti yeɛ ngyerɛle krataa ne mmrɛle ɛmɔ ɔ; na mmom ngyerɛ mmrɛle ɛmɔ, kyɛbɔ ɔkɔyɛ ná mmɔden bɔ ɛmɔbɔ wɔ yɛ nwo ne ala ali ama ɛmɔ wɔ Nyameɛ nyunu.

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

Kolosefoɛ 3:13

Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

2 Tɛsalonika 3:15

Nakoso nnɛma ɛmɔbu ye kyɛ ɔte ɛmɔ pɔfoɛ, na mmom ɛ́mɔbɔ ye kɔkɔ kyɛ aliɛmaa.

Tito 3:10

Na sona bɔ ɔfa mbakyembakyemuɛ ba ne, sɛ edwudwo kyire ye ko anaa ye pɛen nyɔ so yie a, nnɛne ye bɔ afɛ ko.

1 Petro 3:1

Yeɛ mɔ, sɔ ala yeɛ ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ ɔ; na sɛ ɔba kyɛ bɛ nu biemɔ benne edwirɛ ne benni a, bafa bɛ ye mɔ suban so, bɔ nna bɛ noa dwirɛ ahɔ ɔ basakyera;