Mateo 18:12 - AHYERƐLƐ KRONGRON

¹² “Edwirɛ he, ɛmɔdwene ye nwo sɛ? Sɛ ebie le mmoaen ɛyaa, ná bɛ nu ko mini a, aso ɔnyakyi aburahona ne ngona ne wɔ mmokaa ne aso berɛ, ná ɔngɔhɔ ngɔɔpena ko bɔ wamini ne anaa?

Mateo 18:12 Iomraidhean Croise

1 Ahemvo 21:17

Yeɛ AWURADE lale ye dwirɛ ali hyirele Tisibeniɛ Elia kyɛ,

Edwein 119:176

Mali makyebu kyɛ boaen bɔ wamini ɔ; pena wɔ somvoɛ, ofikyɛ memma me wora mvi wɔ mmeraa dwirɛ ne.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yeremia 50:6

“Me maen akakyi mmoaen bɔ bamini ɔ; bɛ neafoɛ nemɔ amaa bali makyebu. Bɛmaa behyinini wɔ mmokaa nemɔ aso; bafi mmokaa so bahɔ pambaa mɔ so, bɛ wora afi bɛ dabea.

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Hesekiel 34:28

Bɛngɔyɛ nikyee bɔ maen maen mɔ bɛfẽ bɛfa ɔ ko, yeɛ aseɛ so ngaka ngɔhye bɛ ko, na mmom bɛkɔtena ase asomdwee nu bɔ ebiala ngonwunanwuna bɛ ɔ.

Hesekiel 34:4

Bɔ wayɛ mmerɛ ne, ɛmɔamma ye nwo anyɛ se; bɔ ɔnde apɔ ne, ɛmɔanza ye anwonyerɛ; bɔ wabubu ne, ɛmɔammɔ ye borɛ; bɔ bafoa ye maa wahɔ ne, ɛmɔamva ye bamma; bɔ wamini ne, ɛmɔangɔ ambena ye boso; na mmom nhyɛsoɛ ne atianuserɛ yeɛ ɛmɔfa bedi bɛ so ɔ.

Hesekiel 34:6

Me mmoaen nemɔ bɛbɔ bɛsandele wɔ mmokaa mukoraa ne pambaa biala so. Amba, me mmoaen nemɔ bɛbɔle aya bɛhɔle aseɛ so nekaa biala, na ebiala ammisa bɛ boso, yeɛ ebiala ambena bɛ.

Mateo 12:11

Na Yesu buale bɛ kyɛ, “Ɛmɔ nu nwa yeɛ sɛ ole boaen komapɛ ná ɔtɔ kumaa nu afofikyẽa a, ɔngɔsɔ ye nu ngɔye ye ɔ?

Mateo 18:13

Na sɛ onwu ye a, nahorɛ nu, mekã mekyire ɛmɔ kyɛ, onya anika wɔ boaen ko ne nwo tra aburahona ne ngona bɔ bɛ de bammini ne nwo.

Mateo 21:28

“Ɛmɔdwene ye nwo sɛ? Né biaa bie le mmaa mmienzua nyɔ; na ɔhɔle bɔ oli moa ne berɛ oosele ye kyɛ, ‘Mma, ɛnɛ kɔyɔ adwuma wɔ me bobe boo ne anu.’

Mateo 22:42

kyɛ, “Kristo ne, ɛmɔdwene ye nwo sɛ? Nwa awa ɛne?” Bebuale ye kyɛ, “Dawide awa ɛne.”

1 Korintofoɛ 10:15

Medwudwo mekyire ɛmɔ kyɛ mmenia bɔ bɛse nworɛ ɔ, yiti ɛmɔdwene bɔ mekã ye nwo.

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.