Mateo 18:10 - AHYERƐLƐ KRONGRON

¹⁰ “Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:10 Iomraidhean Croise

2 Samuel 14:28

Absalom lili afoɛ nyɔ mumua wɔ Yerusalem, bɔ wannwu Nana Dawide nyunu ɔ.

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

Ɛseta 1:14

Bɛ bɔ ɔyɛ a Nana Ahasuro ɔne bɛ betu asure paa ole Kasena, Seta, Adimata, Tasise, Merese, Masena ne Memukan. Bɛ yeɛ bɛte mbanyi nzoo bɔ bɛwɔ Pɛsia ne Media bɔ né bɛtaa bɛ ne Nana Ahasuro bedi ngitahoɛ ɔ, na bɛ yeɛ betira ahennie ne anu dibea piri paa ɔ.)

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Edwein 91:11

Ofikyɛ ɔnate wɔ ti, ɔkɔfa ahyɛdeɛ kɔma ye abɔfo mɔ, kyɛ bɛnea wɔ so wɔ w’atee amukoraa so.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 12:20

Elemmire bɔ ɔte fɛngyɛfɛngyɛ ne, ongobu nu, yeɛ kanea nyamaa bɔ ogye monɛɛmonɛɛ ne, ongonua ye, maa okoodwu kyɛ okobua ndɛen turoloo ngonim nu ɔ;

Mateo 18:14

Sɔ ala yeɛ ɛmɔ Baba bɔ ɔwɔ nyameɛso ne, onguro kyɛ ngwadaa hemɔ nu ko po komini ɔ.

Mateo 18:6

“Na ebiala bɔ ɔkɔto ngwadaammaa hemɔ bɔ bede me bedi ye anu ko sundidua nen, ahaa ɔte paa ma sɔ sona ne kyɛ bɛkɔfa nyɔboɛ kandinga bɔ bɛfa beti aburoo bekosinze ye kɔme, ná bagyi ye bato ɛpo buma nu maa wamono ɔ.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 16:22

“Na ɔwale kyɛ ehianiɛ ne wuli, na abɔfo mɔ bɛɛfale ye maa ɔhɔle Abraham berɛ. Esikaniɛ ne koso wuli, na besiele ye.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 12:15

Na besele abaawa ne kyɛ, “Gyamea nikyee bie yeɛ ɔyɛ wɔ ɔ!” Nakoso ɔhɔle so ɔhane ye anyeborolɛ so kyɛ ɔte nahorɛ. Na bɛhane kyɛ, “Nzaade ye abɔfo ɔ.”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Romanfoɛ 14:10

Na wɔ, nzu ati yeɛ ebua eliɛma ndɛen ɔ? Anaakyɛ wɔ koso, nzu ati yeɛ ebu eliɛma animtia ɔ? Ofikyɛ yɛ mukoraa yɛkogyina Nyameɛ ndɛenbualɛ bia ne nyunu.

Romanfoɛ 14:21

Ɔte paa kyɛ engoli naen anaa ɛngɔno nzaa anaa ɛngɔyɔ nikyee biala bɔ ɔkɔyɛ sundidua kɔma eliɛma ɔ.

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

1 Korintofoɛ 11:22

Nzu ɔ! Ɛmɔlle awuro mɔ bɔ ɛmɔdidi nu ná ɛmɔno wɔ nu hɔ ɔ? Anaakyɛ Nyameɛ asɔre ne yeɛ ɛmɔbu ye animtia ná ɛmɔsa begua ehiafoɛ nyunu ase ɔ? Nzikyɛ koraa yeɛ nga ngyire ɛmɔ ɔ? Ngamvo ɛmɔ wɔ ɛhe anwo anaa? Daabi! Mengɔkamvo ɛmɔ.

1 Korintofoɛ 16:11

Nnɛma ebiala bu ye animtia, na mmom ɛmɔgua ye ate asomdwee nu ma osa bra me wa, ofikyɛ menea ye ne aliɛmaa nemɔ ate.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

Galatiafoɛ 6:1

Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Timoteo 4:12

Nnɛma ebiala bu wɔ animtia kyɛ ɛte aberandeɛ ɔ, na mmom ma agyidifoɛ bɛyɛ nhwɛsoɛ wɔ edwudwolɛ nu, brabɔlɛ nu, ɔdɔ nu, gyidie nu ne anwotelɛ nu.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.