Mateo 17:5 - AHYERƐLƐ KRONGRON

⁵ Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 17:5 Iomraidhean Croise

YOB NWOMAA NE 38:1

Afei AWURADE dwudwole fili mvrama bɔ ɔpɛ ye nwo ne anu obuale Yob kyɛ,

Edwein 81:7

Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 42:21

Na ɔnate kyɛ AWURADE tengyɛ ne ati, ye nye gyele kyɛ ɔkɔpagya mmeraa ne maa okonya animnyam ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 17:6

Na asuafoɛ nemɔ tele sɔ dwirɛ nen, bɛfale bɛ nyunu bebutubutuli berɛ, na ɛserɛ hane bɛ paa.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Yohane 5:37

Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Asomafoɛ 1:9

Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.

Deuteronomi 18:19

Na sona biala bɔ ondie me dwirɛ bɔ ngɔmhyɛlɛniɛ ne kɔha ye me dumaa nu nen, me bɔbɔ ngɔmaa okobu ye nwo ngondaa.

Deuteronomi 5:22

Sɔ dwirɛ hemɔ, AWURADE fale komviɛ piri dwudwo hyirele ɛmɔ maen ye amukoraa wɔ see ne anu, wɔ munungum ne anu, ɔne awosii kabii ne anu wɔ bokaa ne aso; na wamva edwirɛ biala wammoka so. Ɔhyerɛle bɛ guale nyɔboɛ taataa nyɔ so yeɛ ɔfa mane me ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.