Mateo 17:3 - AHYERƐLƐ KRONGRON

³ Na yieee, Mose ne Elia bɛyele bɛ nwo ali behyirele bɛ, na bɛ ne Yesu dwudwole.

Mateo 17:3 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Malaki 4:5

Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Mateo 17:4

Na Petro sele Yesu kyɛ, “Awurade, ɔte paa kyɛ yɛtena wa ɔ; na sɛ ekuro a, ngɔbɔ asese nza wɔ wa, wɔ deɛ ko, Mose deɛ ko, yeɛ Elia deɛ ko.”

Marko 9:4

Na Elia ne Mose bɛyele bɛ nwo ali behyirele bɛ, bɔ né bɛ ne Yesu bedwudwo.

Luka 1:17

Ɔkɔfa Elia sunzum ne ye tumi koli ye nyunu kɔkakyi seɛ mɔ b’adwene kɔwa mma mɔ so ɔne asoserɛfoɛ kɔhɔ teneneefoɛ nworɛ nwo, na okosiesie maen bɔ waboaboa ye nwo ɔ kɔma Awurade.”

Luka 16:16

“Mmeraa ne ne ngɔmhyɛlɛfoɛ nemɔ bɛpem Yohane so; na ofi sɔ mmerɛ ne, bɛ́ka Nyameɛ ahennie ne nwo nzɛmba ne, na ebiala pere kɔ nu.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Luka 9:33

Na mmerɛ bɔ mmienzua nyɔ nemɔ befi Yesu nwo berɛ bɛkɔ ne, Petro sele Yesu kyɛ, “Yɛ mene, ɔte paa kyɛ yɛtena wa ɔ. Maa yɛbɔ asese nza, wɔ deɛ ko, Mose deɛ ko, yeɛ Elia deɛ ko.” Ofikyɛ né ɔnze bɔ ɔkã ɔ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;