Mateo 17:21 - AHYERƐLƐ KRONGRON

²¹ Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Mateo 17:21 Iomraidhean Croise

1 Ahemvo 17:20

Elia teane nu hã hyirele AWURADE kyɛ, “O AWURADE me Nyameɛ, braa bɔ maasikye ye ye, amaa asane ato ye, ɔnate kyɛ ahu ɔwa ye.”

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 17:22

Na bɛboale bɛ noa wɔ Galilea nen, Yesu sele bɛ kyɛ, “Bɛkɔye Sona Awa ne bekowura mmenia sa;

Marko 9:29

Na obuale bɛ kyɛ, “Sɔ nikyee he de, nikye fee ngora ye tu, sana mbaeɛ [ne ɛhɔenhyelɛ.”]

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,