Mateo 17:18 - AHYERƐLƐ KRONGRON

¹⁸ Yeɛ Yesu teateane sunzummɔne ne, na ofili ye nu fitele, na akwadaa ne tele apɔ berɛ ne ala.

Mateo 17:18 Iomraidhean Croise

Mateo 12:22

Yeɛ mmenia biemɔ fale biaa bie bɔ sunzummɔne wɔ ye so ná osa te anyesiniwaaniɛ ne emumu ɔ bɛbrɛle Yesu. Na ɔsale biaa ne anwonyerɛ maa ɔhora dwudwole, na osa nwuni nikye.

Mateo 15:28

Yeɛ Yesu buale ye kyɛ, “Mmobraa, wɔ gyidie te piri! Ɔ́yɛ sɔ ma wɔ kyɛbɔ ɛpena ɔ.” Na berɛ ne ala, ɔwa brasua ne tele apɔ.

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Mateo 17:19

Na asuafoɛ nemɔ wale Yesu berɛ bɛ ne ye beetuli asure bebisale ye kyɛ, “Nzu ati yeɛ yɛ de yangora yandu ye ɔ?”

Mateo 9:22

Yeɛ Yesu kakyili ye nwo, na onwuni braa ne nen, osele kyɛ, “Mma brasua, ma w’ahone tɔ wɔ kunu! Wɔ gyidie ale wɔ.” Na berɛ ne ala braa ne tele apɔ.

Marko 1:34

Na ɔsale mmenia wora bɔ b’anwonyerɛ gua ahoroɔ pee ɔ anwonyerɛ. Otutuli sunzummɔne pee, na wamma sunzummɔne nemɔ atee maa bandwudwo, ofikyɛ né bɛse ye.

Marko 5:8

Ofikyɛ né Yesu ahã ahyire ye kyɛ, “Wɔ, sunzum tɛɛ, fi biaa ne anu fite!”

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:29

Ofikyɛ né wahyɛ sunzummɔne ne kyɛ ofi biaa ne anu fite. (Mmerɛ pee né ɔte pe ye so a, begua ye ngɔnzɔngɔnzɔ bɛbɔ ye panwu bɛwɛne ye, nakoso ɔtetele bɔ bafa bakyekye ye ne anu, na sunzummɔne ne foa ye kɔ ɛserɛ so.)

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.