Mateo 17:17 - AHYERƐLƐ KRONGRON

¹⁷ Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Mateo 17:17 Iomraidhean Croise

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 16:28

Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 6:9

O, ɛfoen sona, ɛkɔla maa okoodwu kyinzu? Mmerɛ beni yeɛ ekofi wɔ nnafelɛ nu kodwɔso ɔ?

Yesaya 19:14

AWURADE ama anyesotanɛ sunzum ate ape ye so, na bɔ Misraim yɔ biala, ɔte mvomsoɛ, kyɛbɔ akɔnomnzaniɛ ohimu so wɔ ye feɛ nu ɔ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Mateo 13:58

Na wanyɔ anwanwadeɛ pee wɔ berɛ, ɔnate elelɛ bɔ banne banni ne ati.

Mateo 16:8

Yesu nwuni b’adwene, na ɔhane kyɛ, “O, ɛmɔ bɔ ɛmɔ gyidie te kãa ɔ, nzu ati yeɛ ɛmɔdwenedwene ye nwo kyɛ ɛmɔamva paanoo ɔ?

Mateo 17:16

Mvale ye mmrɛle w’asuafoɛ nemɔ, nakoso bangora banza ye anwonyerɛ.”

Mateo 17:18

Yeɛ Yesu teateane sunzummɔne ne, na ofili ye nu fitele, na akwadaa ne tele apɔ berɛ ne ala.

Mateo 6:30

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɔngɔbo so ɔ? Ɛmɔ bɔ ɛmɔ gyidie te kãa ɔ!

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Luka 9:41

Yeɛ Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena ma oodwu kyinzu, yeɛ nya ɛmɔ nwo aboterɛ ma oodwu kyinzu? Fa ɛwa ne bra wa!”

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Asomafoɛ 13:18

na ɔneane bɛ so kɔyɛ afoɛ aburanna wɔ ɛserɛ so.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

2 Korintofoɛ 11:1

Sɛ ɛmɔfa me ngwaseasɛm ne sɔ ala ma me a, ahaa mekuro. Mesrɛ ɛmɔ ala ɛmɔfa ye sɔ!

Deuteronomi 32:5

Nakoso ye mma ayɔ bɔne batia ye, na ɔnate bɛ nwo ngekalewa ne ati, nna ye mma ole bɛ ko, bɛte amumuyɛɛ ne nnakannaka aworɛ ndoatoasoɛ.