Mateo 16:26 - AHYERƐLƐ KRONGRON

²⁶ Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Mateo 16:26 Iomraidhean Croise

YOB NWOMAA NE 2:4

Na Satan buale AWURADE kyɛ, “Na ye nwonaen koso ɛ! Bɔ sona le ye amukoraa, okuro kyɛ ɔkɔmaa ɔkɔhwere ye, ná wanya ngoa.

YOB NWOMAA NE 27:8

Sona bɔ ɔnze Nyameɛ ne, sɛ Nyameɛ pɛ ye ngoa so a, sɛ ode ye ngoa fi ye sa nu a, ye anyelasoɛ wɔ ni?

Mateo 16:25

Ofikyɛ ebiala bɔ okuro kyɛ ode ye kra ngoa nen, ɔkɔhwere ye; nakoso ebiala bɔ ɔnate me ti ɔkɔhwere ye ngoa nen, ye sa kɔhã ye.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 5:29

Yiti sɛ wɔ nye famaa diedie wɔ kɔ bɔne nu a, tu ná gyi to! Ɔte paa kyɛ ɛkɔtɔ bue tra kyɛ bekogyi wɔ mumua ne amu bɛkɔto abɔnzam see nu ɔ.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Luka 9:25

Na sɛ sona nya ewiase amukoraa, ná ɔfa ye nwo kowura ɛsɛkyelɛ ne ewue nu a, nzikyɛ mvasoɛ yeɛ okonya ɔ?