Mateo 16:21 - AHYERƐLƐ KRONGRON

²¹ Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 16:21 Iomraidhean Croise

Nehemia 12:7

Salu, Amoko, Hilkia, yeɛ Yedaya. Sɔ mmenia nemɔ, né bɛlela asɔfo nemɔ ne bɛ mmango nemɔ noa wɔ Yesua aberɛ so.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 16:22

Yeɛ Petro fale ye hɔle ahameɛ, na ɔhyɛle ye bo ohwili ye nyunu kyɛ, “Nyameɛ pa gua, Awurade! Ɛhe ngɔto wɔ le!”

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 17:12

nakoso mekã mekyire ɛmɔ kyɛ, Elia awa dada, na bannwu ye, na bɛfale bɔ bekuro biala belili ye. Na sɔ ala yeɛ Sona Awa ne koso konwu amaneɛ wɔ bɛ sa nu ɔ.”

Mateo 17:9

Na befi bokaa ne aso bɛtorotoro bɛba nen, Yesu hyɛle bɛ kyɛ, “Nnɛma ɛmɔbɔ bɔ ɛmɔanwu ye ne aso bekyire ebiala kɔpem kyɛ Sona Awa ne kotingye kofi awufoɛ nu ɔ.”

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Mateo 27:12

Nakoso kwaadu bɔ asɔfo mbanyi ne maen mbanyi nemɔ bɛbɔle ye ne de, wammua ye nwo bie.

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Mateo 28:6

Ɔnne wa; ofikyɛ watingye, kyɛbɔ ɔhane ne ala. Ɛmɔbra bɛɛnea nekaa bɔ né ɔla ne.

Marko 8:31

Na ɔhyɛle ye bo hyirehyirele bɛ kyɛ, odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa so otingye.

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 17:25

Nakoso ɔsɛ kyɛ onwu amaneɛ pee ná ɛnɛmmafoɛ he bɛpo ye koraka.

Luka 24:46

Na osele bɛ kyɛ, “Bahyerɛ ye kyɛ, ‘Ɔsɛ kyɛ Kristo ne onwu amaneɛ, ná ye ɛlɛsa ne aso odwɔso fi awufoɛ nu,

Luka 9:31

Bɛyele bɛ nwo ali animnyam nu, na bɛhane ye wue bɔ okowu wɔ Yerusalem ne nwo dwirɛ.