Mateo 16:20 - AHYERƐLƐ KRONGRON

²⁰ Na ɔhyɛle asuafoɛ nemɔ kitii kyɛ nnɛmaa bɛbɔ so bekyire ebiala kyɛ ye ole Kristo ne.

Mateo 16:20 Iomraidhean Croise

Mateo 1:16

Yakob wole Yosef bɔ ɔye ole Maria bɔ ɔwole Yesu bɔ bɛfrɛ ye Kristo ne.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 17:9

Na befi bokaa ne aso bɛtorotoro bɛba nen, Yesu hyɛle bɛ kyɛ, “Nnɛma ɛmɔbɔ bɔ ɛmɔanwu ye ne aso bekyire ebiala kɔpem kyɛ Sona Awa ne kotingye kofi awufoɛ nu ɔ.”

Mateo 8:4

Yeɛ Yesu sele ye kyɛ, “Tie, nnɛbɔ so kyire ebiala, na mmom kɔ, ná fa wɔ nwo kohyire ɔsɔfo, ná fa ayɛyɛdeɛ bɔ Mose hyɛle ne kɔ, ná ɔyɛ adanzeɛ ma bɛ.”

Marko 8:30

Na Yesu hyɛle bɛ kitii kyɛ nnɛmaa bɛbɔ edwirɛ bɔ ɔfa ye nwo ne aso bekyire ebiala.

Marko 9:9

Na mmerɛ bɔ bɛtorotoro bokaa ne bɛba nen, ɔberale bɛ kyɛ nnɛmaa bɛbɔ bɔ banwu ye ne aso bekyire ebiala, kodwu kyɛ Sona Awa ne kotingye kofi awufoɛ nu koraka ɔ.

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 9:21

Yesu berale bɛ kitii kyɛ nnɛmaa bɛbɔ ɛhe aso bekyire ebiala.

Luka 9:36

Edwudwolɛ ne pɛle ne, benwuni kyɛ waha Yesu ngome berɛ. Yeɛ bemuane bɛ noa, na sɔ mmerɛ ne anu, bammɔ bɔ benwuni ye ne aso bangyire ebiala.

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

1 Yohane 2:22

Nwa yeɛ ɔte ngondomboniɛ ɔ? Sona bɔ onne Yesu ndo nu kyɛ ye ole Kristo ne. Sɔ sona ne te antikristo, ofikyɛ onne Baba ne ɔne Baa ne ndo nu.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.