Mateo 16:17 - AHYERƐLƐ KRONGRON

¹⁷ Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 16:17 Iomraidhean Croise

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Yohane 1:42

Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro).

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

1 Korintofoɛ 15:50

Aliɛmaa mɔ, bɔ mekyire ole kyɛ, anwoɔnaen ne mogya ngɔhora ngonya Nyameɛ ahennie ne anu kyɛfa, yeɛ bɔ ɔporɔ ne koso ngonya bɔ ɔmborɔ ne anu kyɛfa.

Galatiafoɛ 1:16

kyɛ ɔkɔla Ɔwa ne ali kohyire me, amaa ɔnate so mahã ye nwo nzɛmba ne mahyire Amaenmaensofoɛ ne, berɛ ne ala manzusu ye nwo mangyire sona biala.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Ɛfesofoɛ 3:5

mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.