Mateo 16:16 - AHYERƐLƐ KRONGRON

¹⁶ Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 16:16 Iomraidhean Croise

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 42:2

Me kra wora dɔ Nyameɛ, ye wora dɔ Nyameɛ teasefoɛ ne. Kyinzu yeɛ ngɔwa ngoodwu Nyameɛ nyunu ɔ?

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Mateo 1:16

Yakob wole Yosef bɔ ɔye ole Maria bɔ ɔwole Yesu bɔ bɛfrɛ ye Kristo ne.

Mateo 14:33

Na bɛ bɔ bɛwɔ ɛlɛen ne anu ne, bɛɛsɔnene ye, na bɛhane kyɛ, “Amba, wɔ ole Nyameɛ Awa ne.”

Mateo 16:15

Na obisale bɛ kyɛ, “Na ɛmɔ koso, ɛmɔnwa nwa ole me?”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 14:61

Nakoso Yesu yɛle dinn, na wammua ye nwo bie. Na ɔsɔfo panyi paa ne sa bisale ye kyɛ, “Wɔ ole Kristo ne, Bɔ Wanya Saleɛ n’Awa ne anaa?”

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 6:57

Kyɛbɔ Baba teasefoɛ ne ɔsomane me nen, sɔ ala yeɛ Baba ne ati nde ase ɔ; yiti ebiala bɔ odi me nwonaen nen, me ti ɔkɔtena ase.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 8:37

[Na Filipo buale kyɛ, “Sɛ ede di bɔkɔɔ wɔ w’ahone nu de a, bɛbɔ wɔ asu a ɔyɛ yee.” Na ye koso obuale ye kyɛ, “Mede medi kyɛ Yesu Kristo ole Nyameɛ Awa ne.”]

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

2 Korintofoɛ 1:19

Ofikyɛ Nyameɛ Awa Yesu Kristo bɔ me ne Silwano ne Timoteo yɛhane ye nwo dwirɛ yɛhyirele ɛmɔ ne, ɔnga “Yoo” na wasa wahã “Daabi”; na mmom mmerɛ biala ɔma ye “Yoo” yɛ yoo.

2 Korintofoɛ 3:3

na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Deuteronomi 5:26

Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

1 Timoteo 3:15

amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

Hebrifoɛ 12:22

Na mmom ɛmɔawa Sion bokaa ne anwo, ɔne Nyameɛ teasefoɛ ne kuro, bɔ ɔte nyameɛso Yerusalem ne anu, yeɛ abɔfo kure kure bɔ bɛka a bennwu bɛ noa, bɔ bɛyɛ anigye nyianu ɔ bɛ berɛ.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

1 Yohane 5:5

Nwa yeɛ odi wiase so ngonim ɔ? Ye ole sona bɔ ode di kyɛ Yesu ole Nyameɛ Awa ne ɔ.

Nyekyire 7:2

Na nwuni abɔfo foforɛ bɔ otira Nyameɛ teasefoɛ nzɔanoɛ ne kyɛ ofi eyia afiteleɛ ɔfo ba ɔ, na ɔteane nu serɛserɛ sele abɔfo nna bɔ bama bɛ tumi kyɛ bɛha aseɛ ne ɛpo ne