Mateo 16:13 - AHYERƐLƐ KRONGRON

¹³ Na mmerɛ bɔ Yesu dwuli Kaesarea Filipi mbɔtam nen, obisale ye asuafoɛ nemɔ kyɛ, “Mmenia nwa Sona Awa ne ole nwa?”

Mateo 16:13 Iomraidhean Croise

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 12:8

Ofikyɛ Sona Awa ne te afofikyẽa ne Mene.”

Mateo 13:37

Na obuale bɛ kyɛ, “Bɔ odua mmakaammaa paa ne ole Sona Awa ne;

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 15:21

Afei Yesu fili berɛ hɔle Tiro ne Sidon mbɔtam.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Mateo 9:6

Na kyɛbɔ ɔkɔyɛ bɔ ɛmɔkonwu kyɛ Sona Awa ne ole tumi wɔ aseɛ so, kyɛ ɔfa bɔne kyɛ ti ɔ,” na afei osele bubuaniɛ ne kyɛ, “Dwɔso, fa wɔ bɛen ne ná kɔ awuro!”

Marko 10:45

Ofikyɛ Sona Awa ne po wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa.”

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Yohane 12:34

Na ɛlɔen ne buale ye kyɛ, “Yɛ de, yate yafi mmeraa ne anu kyɛ Kristo ne kɔtena ase daa; na ɔyɛle sɛɛ bɔ ɛnwa: Ɔsɛ kyɛ bɛma Sona Awa ne so ɔ? Nwa ole Sona Awa he?”

Yohane 3:14

Na kyɛbɔ Mose mane ewoo ne aso wɔ ɛserɛ so nen, sɔ ala yeɛ odi kyɛ bɛma Sona Awa ne aso ɔ,

Yohane 5:27

na wama ye tumi kyɛ obua ndɛen, ɔnate kyɛ ye ole Sona Awa ne.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”