Mateo 15:9 - AHYERƐLƐ KRONGRON

⁹ Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

Mateo 15:9 Iomraidhean Croise

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 73:13

Nahorɛ nu, m’ahone bɔ mate nu sannwuu ne, ɔne me sa bɔ manwunzi mafa mahyire kyɛ medi be ne, mafɛ magua mbaen.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Lewitikɔso 26:16

bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:20

Ɛmɔkɔsɛkye ɛmɔ anwoserɛ mbaen: ɛmɔ aseɛ ngɔhye aleɛ, yeɛ aseɛ ne aso mmakaa ngosu mmaa.

Malaki 3:14

Ɛmɔahã kyɛ, ‘Ɔte mbaen kyɛ sona kɔso Nyameɛ ɔ. Mvasoɛ beni yeɛ ɔwɔ so kyɛ yɛkoli ye nhyehyɛleɛ so, ɔne kyɛ yɛkɔnate Asafo AWURADE nyunu wɔ nnuhoɛ nu ɔ?

Mateo 15:10

Yesu frɛle ɛlɔen ne wale ye nwo berɛ, na osele bɛ kyɛ, “Ɛ́mɔtie ná ɛ́mɔte ye bo!”

Marko 7:7

Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

1 Korintofoɛ 15:2

Sɛ ɛmɔsɔ bɔ nga ngyirele ɛmɔ ne anu yé a, ɔnate so ɛmɔkonya daa ngoa; na sɛ wamma ye sɔ de a, né ɛmɔale bali mbaen.

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

1 Timoteo 1:4

yeɛ nnɛmaa bɛha bɛ nwo wɔ ɛhoaa ne afilie nu aworɛ ndoatoasoɛ nwo dwirɛ bɔ ye bo mbɛ ɔ, bɔ ɔfa aporowaasulɛ ba tra nyamesom paa ne bɔ ɔwɔ gyidie nu ne.

Tito 1:14

ná banyɛ asoɛ bamma Yudafoɛ tete dwirɛ bɔ nahorɛ nne nu ne, ɔne mmenia bɔ bɛpo nahorɛ ne ɔ b’ahyɛdeɛ.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

Nyekyire 22:18

Mebɔ ebiala bɔ ɔte nwomaa he anu ngɔmhyɛlɛ dwirɛ ne kɔkɔ kyɛ: Sɛ ebie fa edwirɛ bieku boka ɛhemɔ aso a, Nyameɛ kɔprapra ɛhawo ahoroɔ bɔ bahyerɛ ye wɔ nwomaa he anu ne kogua ye so.

1 Samuel 25:21

Né Dawide ali moa waha kyɛ, “Sɔ akoaa he, mabɔ ye nningyein amukoraa nwo waen mbaen wɔ ɛserɛ so, bɔ mamva ye nikyee fee ɔ. Nakoso bɔne yeɛ wafa watua me kerɛ ɔ.