Mateo 15:31 - AHYERƐLƐ KRONGRON

³¹ Yiti ɔyɛle ɛlɔen ne nwanwa, mmerɛ bɔ benwuni kyɛ emumu dwudwo, ná mbakye nwo asa, ná mmubuafoɛ nate, ná anyesiniwaafoɛ benwu nikye ne; na bɛhyɛle Yisrael Nyameɛ animnyam.

Mateo 15:31 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Gyenesise 33:20

Osili afɔleɛ bokyea berɛ, na ɔfrɛle ye Ɛl Elohe Yisrael.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Mateo 15:30

Na mmenia pee fale mbakye, mmubuafoɛ, anyesiniwaafoɛ, emumu mɔ ne ayarefoɛ foforɛ pee bɛwale ye berɛ; na bɛfale bɛ beeguale ye gya bo, na ɔsale bɛ anwonyerɛ.

Mateo 18:8

“Sɛ wɔ sa anaa wɔ gya to wɔ sundidua a, pɛ ná gyi to! Na ɔte paa ma wɔ kyɛ ɛkɔfa asaa ko anaa agyirɛ ko ɛkɔhɔ ngoa nu tra kyɛ ɛkɔfa asaa nyɔ anaa agyirɛ nyɔ, ná bekogyi wɔ bɛkɔto daa see nu ɔ.

Mateo 21:14

Na anyesiniwaafoɛ ne mbakye wale ye berɛ wɔ asɔneyɛɛ sua ne anu, na ɔsale bɛ anwonyerɛ.

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Mateo 9:32

Mmerɛ bɔ befitele bɔ bɛkɔ ne, ebiemɔ fale emumu bie bɔ sunzummɔne wɔ ye so ɔ bɛbrɛle Yesu.

Mateo 9:33

Yesu tuli sunzummɔne ne nen, emumu ne dwudwole; na ɔyɛle ɛlɔen ne nwanwa maa bɛhane kyɛ, “Yɛnnwuni ɛhe bie le wɔ Yisrael!”

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Marko 2:12

Odwɔsole, na berɛ ne ala ɔfale ye bɛen ne, na ofili bɛ mukoraa bɛ nyunu berɛ hɔle. Yiti bɛ mukoraa bɛ nwo dwirili bɛ, na bɛhyɛle Nyameɛ animnyam bɛhane kyɛ, “Yɛnnwuni ɛhe bie le!”

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Marko 9:43

Na sɛ wɔ sa to wɔ sundidua a, pɛ to. Ɔte paa ma wɔ kyɛ ɛkɔfa asaa ko kɔhɔ ngoa nu tra kyɛ ɛkɔfa asaa nyɔ kɔhɔ amaneɛnwunɛ see nu, see bɔ onnua le nu ɔ,

Luka 14:13

Yiti sɛ ɛto poen a, to wɔ sa frɛ ehiafoɛ, mmubuafoɛ, abafaen mɔ ne anyesiniwaafoɛ,

Luka 14:21

“Yiti somvoɛ ne sa wale ɔɔbɔle ye mene amaneɛ. Yeɛ ye mene ne fɛle yaa, na osele ye somvoɛ ne kyɛ, ‘Ma wɔ nwo yɛ nyera, ná kɔ kuro nu dɔ dwaa nemɔ aso ne mandamu, ná fa ehiafoɛ, mmubuafoɛ, anyesiniwaafoɛ ne abafaen mɔ bra!’

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”