Mateo 15:29 - AHYERƐLƐ KRONGRON

²⁹ Afei Yesu fili berɛ ɔɔfale Galilea ɛpo ne noa. Na ɔhɔle bokaa bie so ɔɔtenane ase.

Mateo 15:29 Iomraidhean Croise

Yesaya 9:1

Nakoso bɛ bɔ bɛ wora abɔ ne, b’amaneɛnwunɛ ne ngɔha berɛ. Daa ne, obuli Sebulɔn aseɛ ne Nafetali aseɛ animtia, nakoso kyẽa bie de, atee bɔ ɔla mboanoa ne, yeɛ aseɛ bɔ ɔwɔ Yɔɔdan si dɔ ne, ɔne Galilea bɔ ɔte Amaenmaensofoɛ mbɔtam ne, ɔkɔhyɛ bɛ animnyam.

Mateo 13:2

Mmenia pee bɛɛpɛle ye nwo beyiale, yiti ɔfo tenane ɛlɛen nu; na mmenia wora ne amukoraa begyinagyinane mboanoa berɛ.

Mateo 4:18

Né Yesu nate Galilea mboanoa, na onwuni aliɛmaa nyɔ bɔ bɛ ole Simɔn bɔ bɛfrɛ ye Petro, ɔne oliɛma Andrea kyɛ begua asawu ɛpo nu ɔ, ofikyɛ né bɛte mmenia bɔ bɛkɔ po ɔ.

Mateo 5:1

Yesu nwuni ɛlɔen ne nen, ɔhɔle bokaa bie aso, na ɔtenane ase nen, ye asuafoɛ nemɔ wale ye nwo berɛ,

Marko 1:16

Né ɔnate Galilea mboanoa, na onwuni Simɔn ne oliɛma Andrea kyɛ begua asawu ɛpo ne anu; ofikyɛ né bɛte mmenia bɔ bɛkɔ po ɔ.

Luka 5:1

Na ɔwale kyɛ, né mmenia ahyere ye so kyɛ bɛbaatie Nyameɛ dwirɛ ne. Né ogyi Gɛnesarɛte mboanoa.

Yohane 21:1

Ɛhe asi ye, Yesu yele ye nwo ali bieku hyirele asuafoɛ nemɔ wɔ Tiberia mboanoa, na kyɛbɔ ɔyele ye nwo ali hyirele bɛ ne ɛhe:

Yohane 6:1

Ɛhe asi ne, Yesu pɛle Galilea ɛpo bɔ besa bɛfrɛ ye Tiberia ɛpo ne hɔle ye si dɔ.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Yosua 12:3

ɔne Araba ne bɔ ɔkwaadwu Kinerote ɛpo eyia afiteleɛ, bɔ ɔkwaadwu Araba ɛpo ne, bɔ ɔte Ngyee po ne, wɔ Bete Yesimote atee so dɔ, bɔ ɔwɔ Pisiga bokaa ne aseɛnwo, wɔ ngwaen dɔ ne;