Mateo 15:28 - AHYERƐLƐ KRONGRON

²⁸ Yeɛ Yesu buale ye kyɛ, “Mmobraa, wɔ gyidie te piri! Ɔ́yɛ sɔ ma wɔ kyɛbɔ ɛpena ɔ.” Na berɛ ne ala, ɔwa brasua ne tele apɔ.

Mateo 15:28 Iomraidhean Croise

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

YOB NWOMAA NE 23:10

Nakoso ye de, ɔse atee bɔ mefa so ɔ, na sɛ oso me nea a, ngofi nu ngofite ma me nwo kɔyɛ hyɛmm kyɛ sikaa kɔkorɛ.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Awuye 3:32

Na sɛ ɔma ebie wora bɔ po a, okonwu ye anwumvoin kyɛbɔ ye anwumvoinnwunɛ ne, ye piri ɔte ne.

Mateo 14:31

Na ndɛndɛ, Yesu tengyɛle ye sa sɔle ye nu, na osele ye kyɛ, “O, wɔ bɔ wɔ gyidie te kãa ɔ! Nzu ati yeɛ esuli aporowaa ɔ?”

Mateo 15:27

Na braa ne hane kyɛ, “Amba, Awurade, nakoso ngyea mmaa nemɔ bedi aleɛ ne boso bɔ ɔporo fi bɛ mene poen so gua ase ne.”

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Mateo 8:13

Na Yesu sele asraafoɛ ɛyaa so panyi ne kyɛ, “Kɔ, na kyɛbɔ ale ali ne, ɔ́yɛ sɔ ma wɔ!” Na sɔ mmerɛ ne ala, ye akoaa ne nwo sandene ye.

Mateo 9:22

Yeɛ Yesu kakyili ye nwo, na onwuni braa ne nen, osele kyɛ, “Mma brasua, ma w’ahone tɔ wɔ kunu! Wɔ gyidie ale wɔ.” Na berɛ ne ala braa ne tele apɔ.

Marko 5:34

Na Yesu sele ye kyɛ, “Mma brasua, wɔ gyidie ale wɔ; kɔ asomdwee nu, na w’anwonyerɛ ne ɔhɔ bɔkɔɔ.”

Luka 17:5

Na asomafoɛ nemɔ sele Awurade kyɛ, “Ma yɛ gyidie onyi!”

Luka 7:50

Na osele braa ne kyɛ, “Wɔ gyidie ale wɔ, kɔ asomdwee nu!”

Luka 7:9

Na Yesu tele ɛhe nen, ye nwo yɛle ye nwanwa; na ɔkakyili ye nwo sele ɛlɔen bɔ beli ye si ne kyɛ, “Mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.”

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.