Mateo 15:23 - AHYERƐLƐ KRONGRON

²³ Nakoso Yesu andɛ ye so. Na ye asuafoɛ nemɔ wale bɛɛsrɛle ye kyɛ, “Maa ɔhɔ, ofikyɛ ɔteatea nu di yɛ si!”

Mateo 15:23 Iomraidhean Croise

Gyenesise 42:7

Yosef nye bɔle oliɛma nemɔ aso ne, onwuni bɛ ngome. Nakoso ɔyɛle kyɛ ɔnze bɛ, na opoopoole ye nye bisale bɛ kyɛ, “Ɛmɔfi ni?” Na bebuale ye kyɛ, “Yɛfi Kanaan aseɛ so, na yawa aleɛtɔlɛ.”

Edwein 28:1

Ao AWURADE, wɔ yeɛ mesu mefrɛ wɔ ɔ, me nyɔbotaen, nnɛtuatua wɔ so bɔ ɛngɔtɛ me so ɔ, ofikyɛ sɛ andɛ me so a, ngɔyɛ kyɛ bɛ bɔ bawu bahɔ ɛborɔ kumaa nu ne.

Awuye 3:8

Yeɛ sɛ mebɔ awuye metea nu koso a, osi me mbaeɛ nwo ate.

Mateo 14:15

Na odwuli nɔsoa nen, ye asuafoɛ nemɔ wale ye berɛ beesele ye kyɛ, “Ɛwa te ɛserɛ so, yeɛ aleɛ koso adwo, yiti ma ɛlɔen ne bɛhɔ nguraa nemɔ anu bɛɛtɔ aleɛ bie beli.”

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Mateo 15:24

Na Yesu buale kyɛ, “Mmoaen bɔ bamini bɔ bɛ ole Yisrael awuro ama ne, bɛ ngome bɛ berɛ yeɛ bɛsomane me ɔ.”

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.