Mateo 15:19 - AHYERƐLƐ KRONGRON

¹⁹ Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 15:19 Iomraidhean Croise

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Edwein 119:113

Mekyi mmenia bɔ b’adwene yɛ bɛ ndaa ndaa ɔ, nakoso wɔ mmeraa ne de, mekuro.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Anyandera 24:9

Ngwaseasɛm nwo adwene falɛ te bɔne, yeɛ ngorohoɛniɛ te mmenia akyiwadeɛ.

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Anyandera 6:14

Ye ti anu adwene te tɛ, ɔbɔ nzɛmmɔne porɛ daa, na ɔkekã mmenia ti bobɔ nu.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yesaya 59:7

Bɛ gya tutu amirika kɔyɔ bɔne, na bɛngyɛ ye nwo ná bahã mogya bɔ odi be ɔ bagua; amumuyɛɛ nwo adwene ali bɛ ti, na nzɛmmɔne ne nningyein sɛkyelɛ yeɛ ɔwɔ b’atee nu ɔ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Numeri 22:29

Balaam buale afunum ne kyɛ, “Ofikyɛ edi me nwo angorɛ! Sɛ ndira ngrandɛ a, ahaa ngohũ wɔ kekesaala ye!”

Mateo 15:20

Sɔ nningyein nemɔ yeɛ begua sona nwo fiɛ ɔ, na sɛ annwunzi wɔ sa ná edidi a, ongua sona nwo fiɛ.”

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

Romanfoɛ 7:18

Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ.