Mateo 15:18 - AHYERƐLƐ KRONGRON

¹⁸ Nakoso bɔ ofi bɛ noa nu ba ne de, ofi b’ahone nu yeɛ ɔba ɔ, na ye yeɛ ogua sona nwo fiɛ ɔ.

Mateo 15:18 Iomraidhean Croise

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Anyandera 10:32

Teneneeniɛ ye noa se edwirɛ bɔ bɛkã a ɔtɔ asoɛ nu ɔ, nakoso bɔnefoɛ noa de, ɔkã nnakannaka dwirɛ.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 15:28

Teneneeniɛ dwene dwirɛ nwo koraka né wama mmuayɛɛ, nakoso bɔnefoɛ de, ye noa kekã musue dwirɛ.

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Anyandera 6:12

Sona mbaen, busueniɛ, ɔnate kekã nnakannaka dwirɛ,

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

Mateo 15:11

“Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Mateo 15:17

Aso ɛmɔnnwu ye kyɛ nikyee biala bɔ ɔkɔ bɛ noa nu ne okogua bɛ kunu, ná afei ɔsẽ kogua yaen nu ɔ?

Marko 7:20

Na ɔtoale so hane kyɛ, “Bɔ ofi sona nu ba ne, ye yeɛ ogua ye nwo fiɛ ɔ.

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

1 Samuel 24:13

Na mbanyi mɔ bu anyandera kyɛ, ‘Sona bɔ ɔtte mayee ne, ye yɔleɛ koso ɔtte mayee.’ Nakoso me de, mengɔfa me sa ngɔhã wɔ.