Mateo 15:14 - AHYERƐLƐ KRONGRON

¹⁴ Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 15:14 Iomraidhean Croise

Yesaya 31:3

Misraimfoɛ bɛte mmenia oo, na bɛtte Nyameɛ; bɛ mbɔngɔ nemɔ bɛte anwoɔnaen, na bɛtte sunzum. Sɛ AWURADE tengyɛ ye sa a, bokafoɛ ne kosoti, yeɛ bɔ bokafoɛ ne boka ye ne koso, okofi ase, na bɛ mukoraa bekowu bɛkɔbɔ nu.

Yesaya 42:19

Nwa yeɛ ye nye asi kyɛ me somvoɛ, anaa nwa yeɛ ye so ati kyɛ me bɔfoɛ bɔ mesoma ye ne ɔ? Nwa yeɛ ye nye asi kyɛ bɔ watu ye nwo wasie berɛ wama me ne ɔ, anaa ye nye asi kyɛ AWURADE somvoɛ ne ɔ?

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Yesaya 9:16

Ofikyɛ bɛ bɔ bekyire maen he atee ne, bɛmaa bemini, na bediedie mmenia bɔ bekyire b’atee ne maa bɛkɔ ewue nu.

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Yeremia 6:15

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hosea 4:17

Efraim afa ye nwo wabɔ mmosoen, yiti po ye bra ma ye.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Luka 6:39

Na obuli bɛ anyandera kyɛ, “Aso anyesiniwaaniɛ kɔhora kohyire anyesiniwaaniɛ atee? Aso bɛ munyɔ bɛngɔtɔ kumaa nu?

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

2 Petro 2:17

Sɔ mmenia nemɔ, bɛte abura mɔ bɔ nzue nne nu ɔ, ɔne munungum bɔ mvrama bɔ ye huu kɔ ɔ; na bɛ yeɛ basiesie awosii kabii bato berɛ bama bɛ ɔ.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.