Mateo 15:11 - AHYERƐLƐ KRONGRON

¹¹ “Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Mateo 15:11 Iomraidhean Croise

Edwein 10:7

Ɛnomalɛ, nnakannaka ne anwunanwuna ayi ye noa nu to, na ye temverema bo te nzɛmmɔne ne amumuyɛɛ.

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Mateo 15:10

Yesu frɛle ɛlɔen ne wale ye nwo berɛ, na osele bɛ kyɛ, “Ɛ́mɔtie ná ɛ́mɔte ye bo!”

Mateo 15:12

Yeɛ ye asuafoɛ nemɔ wale beesele ye kyɛ, “Farasiifoɛ nemɔ bɛtele sɔ dwirɛ ne nen, aso ɛse kyɛ wanyɛ bɛ fɛ ɔ?”

Marko 7:15

Nikyee biala ɔnne sona nwo bɔ ɔkɔ ye nu a ɔkora gua ye nwo fiɛ ɔ; na mmom nikyee bɔ ofi sona nu ba ne yeɛ ogua ye nwo fiɛ ɔ. [

Romanfoɛ 14:14

Mese, na m’adwene koso si pi wɔ Awurade Yesu nu kyɛ, nikyee biala nne berɛ bɔ ye nwo nde ɔ; na mmom ye nwo nde ma sona bɔ obu aleɛ ne kyɛ ye nwo nde ɔ.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 14:20

Aleɛ ti nnɛsɛkye Nyameɛ adwuma. Nikyee biala nwo te amba de, nakoso ɔtte mayee kyɛ ekoli aleɛ bie bɔ ɔkɔma eliɛma kɔyɛ bɔne ɔ.

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.