Mateo 15:1 - AHYERƐLƐ KRONGRON

¹ Yeɛ Farasiifoɛ ne ahyerɛlɛfoɛ befili Yerusalem bɛwale Yesu berɛ beebisale ye kyɛ,

Mateo 15:1 Iomraidhean Croise

Mateo 23:2

“Mose bia so yeɛ ahyerɛlɛfoɛ mɔ ne Farasiifoɛ mɔ bɛtena ɔ;

Mateo 5:20

Yiti mekã mekyire ɛmɔ kyɛ, sɛ ɛmɔ tenenee andra ahyerɛlɛfoɛ ne Farasiifoɛ deɛ a, ye de ɛmɔ gya baa ngotia nyameɛso ahennie ne anu.

Marko 3:22

Na ahyerɛlɛfoɛ bɔ befili Yerusalem bɛwale ne sele kyɛ, “Ole Beɛsebul, na sunzummɔne mɔ panyi tumi yeɛ ɔfa tutu sunzummɔne mɔ ɔ.”

Luka 5:17

Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 5:21

Na ahyerɛlɛfoɛ ne Farasiifoɛ nemɔ bɛhyɛle ye bo bɛdwenedwenene kyɛ, “Sona beni de ɛhe, bɔ ɔkã musue dwirɛ sɔaa ye? Nwa yeɛ ɔkora fa bɔne kyɛ ɔ, sana Nyameɛ ngome!”

Luka 5:30

Na Farasiifoɛ ne b’ahyerɛlɛfoɛ nemɔ bɛpenepene bɛ komvi behyirele ye asuafoɛ nemɔ kyɛ, “Nzu ati yeɛ ɛmɔ ne ɛtoɔdidelɛfoɛ ne bɔnefoɛ bedidi ná bɛno ɔ?”

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Asomafoɛ 25:7

Na Pɔɔlo wale ne, Yudafoɛ bɔ befili Yerusalem bɛwale ne, bɛpɛle ye nwo kango, na bɛpepɛle edwirɛ mbirikua pee beguale ye so, bɔ bɛ bɔbɔ po bangora bangyire nu ɔ.