Mateo 14:9 - AHYERƐLƐ KRONGRON

⁹ Na ɔyɛle ɛhene ne yea, nakoso ɔnate ye ndaen bɔ wata ɔne mmenia bɔ né ɔne bɛ didi ne ati, ɔhyɛle kyɛ bɛyɔ sɔ bɛma abaayaa ne.

Mateo 14:9 Iomraidhean Croise

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Yeremia 44:25

Asafo AWURADE, Yisrael Nyameɛ nwa nyoo: Ɛmɔ ne ɛmɔ aye mɔ, ɛmɔate ɛmɔ noa bahã, yeɛ ɛmɔayɔ bafa bafoa so kyɛ, ‘Amba, aboadeɛ bɔ yaboa kyɛ yɛkɔyera ɛyɛɛ yɛkɔma nyameɛso hemmaa, ɔne kyɛ yɛkɔbɔ anonneɛ afɔleɛ yɛkɔma ye ne, yɛkoli so.’ Nzaade, ɛ́mɔsi ɛmɔ aboadeɛ ne agyinayɛɛ amba ee, ná ɛmɔtua ɛmɔ aboadeɛ nemɔ amba ee!

Mateo 14:1

Sɔ mmerɛ ne anu, manzini hene Herode tele Yesu nga;

Mateo 14:10

Yiti ɔsomane maa bɛɛpɛle Yohane ti wɔ kuku nu dɔ.

Mateo 14:5

Ye sɔ ne ati, né Herode kuro kyɛ oku Yohane, nakoso né osuro mmenia ne, ofikyɛ né bebu Yohane kyɛ ɔte ngɔmhyɛlɛniɛ.

Mateo 14:8

Na oni mane ye adwene tɛɛ kyɛ ɔhã kyɛ, “Fa Asubɔlɛniɛ Yohane ye ti bɔ ɔla prɛte nu ɔ ma me ɛwa ala!”

Marko 6:14

Ɛhene Herode tele Yesu nga, ofikyɛ né Yesu dumaa adwu dede. Na ɔhane kyɛ, “Yohane bɔ né ɔbɔ asu ne watingye wafi awufoɛ nu, yiti yeɛ ɔmaa ole tumi ɔyɔ anwanwadeɛ hemɔ ye.”

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Marko 6:26

Edwirɛ ne hale ɛhene ne paa, nakoso ɔnate ndaen bɔ ɔtale ne, ɔne bɛ bɔ ɔne bɛ didi ne ati, wangora ye noa kakyi.

Luka 13:32

Na osele bɛ kyɛ, “Ɛmɔɔhã behyire sɔ safuboa ne kyɛ, ‘Tie, métutu sunzummɔne mɔ ná mesa anwonyerɛ ɛnɛ ne ɛhema, na ye ɛlɛsa ne aso ngoyie m’adwuma.’

Maenbulɛfoɛ 11:39

Bosome nyɔ ne ayieleɛ, osa wale ye baba berɛ, na ye baba fale ye yɔle nikyee bɔ wahyɛ ye nwo bɔ ne. Né onnwuni biaa le. Yiti ɛhe mane amammerɛ bie ɔɔlale berɛ mane Yisraelfoɛ kyɛ,

Maenbulɛfoɛ 21:1

Né Yisraelfoɛ ata ndaen wɔ Misepa kyɛ, “Yɛ nu biala ngɔfa ɔwa brasua ngɔma Benyaminniɛ agyaa.”

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.

1 Samuel 14:28

Na koɛhonɛfoɛ nemɔ anu ko sele kyɛ, “Wɔ baba tale ndaen guale koɛhonɛfoɛ nemɔ aso kyɛ, ‘Musue to sona biala bɔ okodidi ɛnɛ ɔ.’ Ye sɔ ne ati, ɛhɔen apɛ koɛhonɛfoɛ nemɔ.”

1 Samuel 25:22

Kyɛ odwu ɛhema ngyerɛmɔ ne, sɛ mema ye nwo ama bienzua ko po nya ye ti didi nu a, Nyameɛ tua me Dawide kerɛ maa ɔbo so.”

1 Samuel 28:10

Nakoso Sɔɔlo fale AWURADE tale ndaen hyirele ye kyɛ, “Kyɛ AWURADE te ase ye, engonya ɛhe anwo asohwenɛ biala.”