Mateo 14:36 - AHYERƐLƐ KRONGRON

³⁶ na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Mateo 14:36 Iomraidhean Croise

Mateo 14:35

Na berɛ ama nwuni ye sona horɛ nen, bɛsomane mmenia maa bɛhɔle mbɔtam berɛ amukoraa, na bɛfale bɛ bɔ bɛnde apɔ amukoraa bɛbrɛle ye;

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Marko 3:10

Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 6:56

Na nekaa biala bɔ ɔhɔle ne, kyɛ nguraa nu oo, kuro nu oo, anaa namue nu oo, bɛfale ayarefoɛ bɛɛsamone dwaaso, na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Marko 8:22

Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Luka 6:19

Na mmenia worawora ne amukoraa bɛperele kyɛ bɛkɔfa bɛ nwo bɛkɔhã ye ɔ, ofikyɛ né tumi fi ye nu ɔsa bɛ mukoraa anwonyerɛ.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 7:23

Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ?

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.