Mateo 14:33 - AHYERƐLƐ KRONGRON

³³ Na bɛ bɔ bɛwɔ ɛlɛen ne anu ne, bɛɛsɔnene ye, na bɛhane kyɛ, “Amba, wɔ ole Nyameɛ Awa ne.”

Mateo 14:33 Iomraidhean Croise

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Daniel 3:25

Yeɛ osele kyɛ, “Nakoso menwu mmenia nna bɔ basangye bɛ ɔ bɔ bɛnatenate see ne anu ɔ. Nikye fee ɔyyɔle bɛ, na ko bɔ ɔtɔ so nna ne de, ye sue te kyɛ nyameɛ mɔ bɛ wa bie.”

Mateo 14:32

Na bɛtenane ɛlɛen ne anu nen, mvrama ne yakyili tulɛ.

Mateo 15:25

Na braa ne wale ooguale ndwerɛ wɔ Yesu nyunu berɛ srɛle ye kyɛ, “Awurade, boka me!”

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 2:11

Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 27:43

Ɔfale ye nwo tole Nyameɛ so; sɛ okuro ye dwirɛ a, maa ɔpepɛ ole ye e; ofikyɛ ɔhane kyɛ, ‘Me ole Nyameɛ Awa ne!’ ”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 28:17

Na mmerɛ bɔ benwuni ye nen, bɛsɔnene ye, nakoso bɛ nu biemɔ anne anni.

Mateo 28:9

Na mvum nu, Yesu yiale bɛ, na ɔhane kyɛ, “Asomdwee hã ɛmɔ oo!” Na bɛwale ye nwo berɛ bɛɛsosɔle ye gya, na bɛsɔnene ye.

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 1:1

[Nyameɛ Awa] Yesu Kristo nzɛmba ne, ye ahyɛaseɛ;

Marko 14:61

Nakoso Yesu yɛle dinn, na wammua ye nwo bie. Na ɔsɔfo panyi paa ne sa bisale ye kyɛ, “Wɔ ole Kristo ne, Bɔ Wanya Saleɛ n’Awa ne anaa?”

Marko 15:39

Na asraafoɛ ɛyaa so panyi bɔ né ogyi ye nyunu berɛ ndendeneɛ so ne, onwuni kyɛbɔ osi teane nu, ná ɔhale nu nen, ɔhane kyɛ, “Amba, biaa he ole Nyameɛ Awa ne!”

Luka 24:52

Na bɛkotole bɛsɔnene ye,] na bele anigye pirikua besa bɛwale Yerusalem.

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 19:7

Yeɛ Yudafoɛ nemɔ buale ye kyɛ, “Yɛ de, yɛle mmeraa, na yɛ mmeraa ne kyire kyɛ ɔsɛ kyɛ owu ɔ, ofikyɛ ɔyɛle ye nwo Nyameɛ Awa ne.”

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,