Mateo 14:31 - AHYERƐLƐ KRONGRON

³¹ Na ndɛndɛ, Yesu tengyɛle ye sa sɔle ye nu, na osele ye kyɛ, “O, wɔ bɔ wɔ gyidie te kãa ɔ! Nzu ati yeɛ esuli aporowaa ɔ?”

Mateo 14:31 Iomraidhean Croise

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Mateo 14:30

Nakoso onwuni mvrama bagyabagya ne nen, ɛserɛ hane ye; na ɔhyɛle ye bo kyɛ ɔmono nen, ɔteane nu kyɛ, “Awurade, de me!”

Mateo 14:32

Na bɛtenane ɛlɛen ne anu nen, mvrama ne yakyili tulɛ.

Mateo 16:8

Yesu nwuni b’adwene, na ɔhane kyɛ, “O, ɛmɔ bɔ ɛmɔ gyidie te kãa ɔ, nzu ati yeɛ ɛmɔdwenedwene ye nwo kyɛ ɛmɔamva paanoo ɔ?

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 6:30

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɔngɔbo so ɔ? Ɛmɔ bɔ ɛmɔ gyidie te kãa ɔ!

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Marko 1:31

Ɔhɔle braa ne nwo berɛ ɔɔsɔle ye sa, ɔmane ye so, na ebunu ne fili ye nwo tuli, na ɔsole bɛ wɔfoɛ.

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Marko 11:23

Nahorɛ nu, mekã mekyire ɛmɔ kyɛ, ebiala bɔ ɔkɔhã kohyire bokaa he kyɛ, ‘Tutu kɔtɔ ɛpo nu,’ ná wanzu aporowaa wɔ ye ahone nu, ná mmom okole koli kyɛ edwirɛ bɔ ɔkã ne kɔwa nu ne, ɔkɔyɛ berɛ kɔma ye.

Marko 16:7

Nakoso ɛmɔɔbɔ ye asuafoɛ nemɔ ne Petro amaneɛ kyɛ ódi ɛmɔ nyunu moa kɔ Galilea; na berɛ yeɛ ɛmɔkonwu ye ɔ, kyɛbɔ ɔhã hyirele ɛmɔ ne.”

Marko 4:40

Na obisale bɛ kyɛ, “Nzu ati yeɛ ɛmɔsuro e? Nzu ati yeɛ ɛmɔlle gyidie ɔ?”

Marko 5:41

Ɔsɔle akwadaa ne sa, na osele ye kyɛ, “Talita kumi!” bɔ ye bo kyire kyɛ, “Abaayaa, mekã mekyire wɔ kyɛ, dwɔso!”

Luka 24:34

bɔ begu so bɛkã kyɛ, “Awurade adwɔso amba, na waye ye nwo ali wahyire Simɔn.”

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.