Mateo 14:29 - AHYERƐLƐ KRONGRON

²⁹ Na obuale kyɛ, “Bra!” Yiti Petro fili ɛlɛen ne anu dwuli natele nzue n’anye so kyɛ ɔkɔ Yesu nwo dɔ.

Mateo 14:29 Iomraidhean Croise

Mateo 14:28

Na Petro buale ye kyɛ, “Awurade, sɛ wɔ ahɔ a, nzaade maa mva nzue n’anye so mmra wɔ dɔ.”

Mateo 14:30

Nakoso onwuni mvrama bagyabagya ne nen, ɛserɛ hane ye; na ɔhyɛle ye bo kyɛ ɔmono nen, ɔteane nu kyɛ, “Awurade, de me!”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Luka 17:6

Na Awurade buale kyɛ, “Sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhora bɛkɔhã bekohyire akyea he kyɛ, ‘Wɔ bo tutu, ná kogyina ɛpo nu!’ Na okotie ɛmɔ.

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Romanfoɛ 4:19

Onwuni kyɛ ye nipadua ne ayɛ mmerɛ, ofikyɛ né wali afoɛ kɔyɛ ɛyaa, afei né ɔse kyɛ Sara te mmotaen, nakoso wamma ye gyidie anhinhim.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.