Mateo 14:27 - AHYERƐLƐ KRONGRON

²⁷ Na berɛ ne ala, Yesu sele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; nnɛma ɛmɔsuro!”

Mateo 14:27 Iomraidhean Croise

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 51:12

“Me, me yeɛ mekyekye ɛmɔ wora ɔ, na wɔ, nzikyɛ sona ole wɔ, bɔ esuro kuro sona bɔ owu ɔ, ɔne sona awa bɔ bɛyɔle ye kyɛ ndire ɔ;

Mateo 14:28

Na Petro buale ye kyɛ, “Awurade, sɛ wɔ ahɔ a, nzaade maa mva nzue n’anye so mmra wɔ dɔ.”

Mateo 17:7

Na Yesu wale ɔɔsosɔle bɛ nu hane kyɛ, “Ɛ́mɔdwɔso, na nnɛma ɛmɔsuro!”

Mateo 28:10

Yeɛ Yesu sele bɛ kyɛ, “Nnɛma ɛmɔsuro; na ɛmɔɔhã behyire nniɛma nemɔ kyɛ bɛhɔ Galilea, na dɔ yeɛ bekonwu me ɔ.”

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Mateo 9:2

Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Marko 6:50

ofikyɛ bɛ mukoraa benwuni ye, na bɛ nwo dwirili bɛ. Na berɛ ne ala, ɔne bɛ dwudwole, na osele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; na nnɛma ɛmɔsuro!”

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:30

Na abɔfo ne sele ye kyɛ, “Maria, nnɛsuro, ofikyɛ Nyameɛ alo wɔ.

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 2:10

Na abɔfo ne sele bɛ kyɛ, “Nnɛma ɛmɔsuro, na ɛ́mɔtie, ndɛenvɛen bɔ ɔte anigye piri paa bɔ ɔkɔyɛ maen maen amukoraa bɛ deɛ yeɛ mefa mebrɛ ɛmɔ ɔ;

Luka 5:10

na sɔ ala yeɛ Sebedeo mma Yakobo ne Yohane bɔ bɛ ne Simɔn bɛyɔ adwuma bɛbɔ nu ne koso bɛ nwo yɛle bɛ ɔ. Na Yesu sele Simɔn kyɛ, “Nnɛsuro; ofi ɛnɛ bɔ ɔkɔ ɔ, mmenia yeɛ ɛkɔhwehwe bɛ kɔbrɛ me ɔ.”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 6:20

Na Yesu sele bɛ kyɛ, “Me ɔ, nnɛma ɛmɔsuro!”

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”