Mateo 14:21 - AHYERƐLƐ KRONGRON

²¹ Na bɛ bɔ belili ne, bɛkɔyɛ mmienzua apee nnu, mmrasua ne ngwadaa de banga bɛ bammoka so.

Mateo 14:21 Iomraidhean Croise

Mateo 14:20

Bɛ mukoraa bedidili bɛmane bɛ ko yili; na ye bo mboporoka ne, asuafoɛ nemɔ boaboa guale ngɛndɛen buru ne nyɔ nu maa beyili fokyefokyee.

Mateo 14:22

Berɛ ne ala, Yesu hyɛle asuafoɛ nemɔ kyɛ bɛ́fo ɛlɛen nu beli moa bɛhɔ asue ne asi dɔ, ná ye de ogua ɛlɔen ne ate koraka.

Marko 6:44

Bɛ bɔ belili paanoo ne, né mmienzua te apee nnu.

Yohane 6:10

Na Yesu hane kyɛ, “Ɛ́mɔma mmenia ne bɛ́tenatena ase!” Né nzenzaen pee wɔ berɛ. Na mmienzua bɔ bɛkɔyɛ apee nnu ɔ bɛtenatenane ase.

Asomafoɛ 4:34

Bɛ nu biala nne berɛ bɔ nikyee hiane ye ɔ, ofikyɛ bɛ bɔ bele aseɛ mɔ ne sua mɔ ne, bɛtɔnetɔnene bɛ, na bɛfale sikaa bɔ benya befili nu ne

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Filipifoɛ 4:19

Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.