Mateo 14:20 - AHYERƐLƐ KRONGRON

²⁰ Bɛ mukoraa bedidili bɛmane bɛ ko yili; na ye bo mboporoka ne, asuafoɛ nemɔ boaboa guale ngɛndɛen buru ne nyɔ nu maa beyili fokyefokyee.

Mateo 14:20 Iomraidhean Croise

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Anyandera 13:25

Teneneeniɛ didi ma ye kra ko yi, nakoso bɔnefoɛ de, ye kunu too.

Lewitikɔso 26:26

Ngɔma ɛhɔen kɔwa ɛmɔ aseɛ so; mmrasua buru yeɛ bɛkɔto ɛmɔ aleɛ wɔ bokyea komapɛ aso ɔ. Mmrasua nemɔ kosusu aleɛ ne mmaa mmaa bie yeɛ bɛkɔma ɛmɔ ɔ, yiti sɛ ɛmɔdi a, ɛmɔ ko ngoyi.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Mateo 14:21

Na bɛ bɔ belili ne, bɛkɔyɛ mmienzua apee nnu, mmrasua ne ngwadaa de banga bɛ bammoka so.

Mateo 15:33

Na asuafoɛ nemɔ bisale ye kyɛ, “Nisua yeɛ yɛkonya aleɛ wɔ ɛserɛ ye aso wa, bɔ ɔkɔso mmenia wora he di ɔ?”

Mateo 5:6

“Bɛ bɔ tenenee nwo hɔen ne nzuhɔen ku bɛ ne banya saleɛ, ofikyɛ bɛ yeɛ Nyameɛ kɔma bɛ ko koyi ɔ.

Luka 1:53

Wama bɛ bɔ ɛhɔen ku bɛ ɔ bali aleɛ paa ma bɛ ko ayi, yeɛ wama esikafoɛ bafa nzanza bahɔ.

Luka 9:17

Bɛ mukoraa bedidili bɛmane bɛ ko yili, na ye bo mboporoka ne, bɛsesale ngɛndɛen buru ne nyɔ.

Yohane 6:7

Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”