Mateo 14:14 - AHYERƐLƐ KRONGRON

¹⁴ Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 14:14 Iomraidhean Croise

Mateo 14:15

Na odwuli nɔsoa nen, ye asuafoɛ nemɔ wale ye berɛ beesele ye kyɛ, “Ɛwa te ɛserɛ so, yeɛ aleɛ koso adwo, yiti ma ɛlɔen ne bɛhɔ nguraa nemɔ anu bɛɛtɔ aleɛ bie beli.”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 9:36

Na onwuni mmenia pembepembe ne, bɛyɛle ye anwumvo, ofikyɛ né bafɛ, na né bɛsamo berɛ kyɛ mmoaen bɔ belle neafoɛ ɔ.

Marko 6:34

Yesu fili ɛlɛen ne anu dwuli ase, na onwuni mmenia wora nen, bɛyɛle ye anwumvo; ofikyɛ né bɛte kyɛ mmoaen bɔ belle neafoɛ ɔ; na ɔhyɛle ye bo hyirehyirele bɛ nningyein pee.

Marko 9:22

Ɔtaa maa ɔpɛ tɔ see nu, ɔne nzue nu, bɔ ɔpena ye ku ye ɔ. Nakoso sɛ ɛkɔhora kɔyɔ ye nwo bie a, ye de nwu yɛ anwumvoin ná boka yɛ.”

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 5:2

Na ɔnate kyɛ ye bɔbɔ ɔtɔ sii wɔ nningyein pee nu ne ati, ɔkora nwu bɛ bɔ bɛnze na bɛyɔ mvomsoɛ ne anwumvoin.