Mateo 13:57 - AHYERƐLƐ KRONGRON

⁵⁷ Yiti bɛpole ye. Na Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro ne ye awuro.”

Mateo 13:57 Iomraidhean Croise

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 8:14

Ɔkɔyɛ nekaa krongron, sundidua nyɔboɛ, ɔne nyɔbotaen bɔ ɔmaa besoti ɔ kɔma Yisrael abusua nyɔ ne, na ɔkɔyɛ atodum ne ngaen kɔma Yerusalemfoɛ.

Mateo 11:6

Na sona bɔ nnde sundidua mma ye ne, wanya saleɛ.”

Mateo 13:58

Na wanyɔ anwanwadeɛ pee wɔ berɛ, ɔnate elelɛ bɔ banne banni ne ati.

Marko 6:1

Yesu fili berɛ hɔle, ɔwale ye kuro, na ye asuafoɛ nemɔ ne ye bɛhɔle.

Marko 6:14

Ɛhene Herode tele Yesu nga, ofikyɛ né Yesu dumaa adwu dede. Na ɔhane kyɛ, “Yohane bɔ né ɔbɔ asu ne watingye wafi awufoɛ nu, yiti yeɛ ɔmaa ole tumi ɔyɔ anwanwadeɛ hemɔ ye.”

Marko 6:3

Aso nna Maria awa bɔ ɔte bakaa dwumvoɛ ne ɛhe? Aso nna Yakobo ne Yose ne Yudase ne Simɔn b’eliɛma ne ɛhe? Nna oliɛma mmrasua mɔ yeɛ yɛne bɛ wɔ wa ye?” Yiti bɛpole ye.

Marko 6:4

Nakoso Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro, ye abusuafoɛ nu ne ye awuro ama nu.”

Luka 4:24

Na ɔhane kyɛ, “Amba, mekã mekyire ɛmɔ kyɛ, benne ngɔmhyɛlɛniɛ biala bɛndo nu wɔ ye bɔbɔ ye kuro.

Luka 7:23

Na sona bɔ nnde sundidua memma ye ne, wanya saleɛ.”

Yohane 4:44

Na Yesu bɔbɔ lili adanzeɛ kyɛ, ngɔmhyɛlɛniɛ olle anidie wɔ ye bɔbɔ ye kuro.”

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 6:61

Nakoso Yesu nwuni kyɛ ye asuafoɛ nemɔ bɛ́penepene bɛ komvi wɔ ɛhe anwo nen, osele bɛ kyɛ, “Ɛhe to ɛmɔ sundidua anaa?