Mateo 13:55 - AHYERƐLƐ KRONGRON

⁵⁵ Bakaa dwumvoɛ ne, aso nna ɔwa ne ɛhe? Aso bɛmvrɛ ye maame Maria? Aso nna oliɛma mmienzua mɔ ole Yakobo ne Yosef ne Simɔn ne Yudase?

Mateo 13:55 Iomraidhean Croise

Edwein 22:6

Nakoso me de, nde esuronyi, na nnde sona, mmenia sere me, adasa bu me animtia.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Mateo 27:56

né Maria Magdalene, Maria bɔ ye mma ole Yakobo ne Yosef, yeɛ Sebedeo mma nemɔ bɛ maame boka bɛ so.

Marko 15:40

Né mmrasua biemɔ koso begyigyi nziɛ nziɛ bɛnea; na né Maria Magdalene, Maria bɔ ye mma ole Yakobo kãa ne Yose, yeɛ afei Salome boka bɛ so.

Marko 15:47

Na Maria Magdalene ne Yose maame Maria benwuni nekaa bɔ bɛfale ye bɛtole ɔ.

Marko 6:3

Aso nna Maria awa bɔ ɔte bakaa dwumvoɛ ne ɛhe? Aso nna Yakobo ne Yose ne Yudase ne Simɔn b’eliɛma ne ɛhe? Nna oliɛma mmrasua mɔ yeɛ yɛne bɛ wɔ wa ye?” Yiti bɛpole ye.

Luka 1:27

maa ɔhɔle ababunu bie berɛ. Né bafa ye babɔ biaa bie bɔ bɛfrɛ ye Yosef, bɔ ofi Dawide abusua nu ɔ asiwa; na ababunu ne dumaa li Maria.

Luka 24:10

Na Maria Magdalene, Yoana, Yakobo maame Maria, yeɛ afei mmrasua bieku mɔ boka so yeɛ bɛɛfale edwirɛ he bɛbɔle asomafoɛ nemɔ amaneɛ ɔ.

Luka 3:23

Yesu hyɛle ye adwuma ne abo nen, né wali afoɛ kɔyɛ aburasa. Ye baba (kyɛbɔ né mmenia bede bedi ne) ye ole Yosef bɔ ɔse ole

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Luka 8:20

Na ebie sele ye kyɛ, “Wɔ maame ne eliɛma mɔ begyigyi bondua dɔ, na bɛpena kyɛ benwu wɔ.”

Yohane 19:25

Yiti bɔ asraafoɛ nemɔ yɔle hɔ ɛne. Na mmenia hemɔ yeɛ né begyi bepingye Yesu mmeamudua ne nwo ɔ: ye maame, ye maame aliɛma brasua, Klopa aye Maria, yeɛ Maria Magdalene.

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 9:29

Yɛse kyɛ Nyameɛ dwudwo hyirele Mose, nakoso sɔ biaa he de, yɛnze nekaa bɔ ofi ɔ!”

Galatiafoɛ 1:19

Nakoso mannwu asomafoɛ ne anu biala, sana Awurade aliɛma Yakobo.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.