Mateo 13:46 - AHYERƐLƐ KRONGRON

⁴⁶ na onwuni afire paa ko bɔ ye nyɔboɛ yɛ se nen, ɔɔtɔnene ye agyapadeɛ amukoraa fa tɔle afire ne.

Mateo 13:46 Iomraidhean Croise

Anyandera 2:4

sɛ ɛpena ye si atee kyɛbɔ ɛpena ɛdwetɛ, ná ɛpena ye kyɛ agyapadeɛ bɔ bafa bafea ɔ hɔ a,

Yesaya 33:6

Ɔkɔyɛ wɔ mmerɛ so nyinasoɛ pindinn, ɔte ngoalelɛ, nworɛ ne nimdeɛ mmorosoɛ, na AWURADE surolɛ yeɛ ɔte ye agyapadeɛ ɔ.

Mateo 13:44

“Nyameɛso ahennie ne, ɔte kyɛ agyapadeɛ bie bɔ bafa bafea fie bie aso, bɔ ebie oonwuni ye fa feale, ná ye fɛɛ bɔ ɔyɛle ye ne ati, ɔɔtɔnene ye agyapadeɛ amukoraa fa tɔle fie ne ɔ.

Mateo 13:45

“Afei koso, nyameɛso ahennie ne, ɔte kyɛ dwadiniɛ bie bɔ ɔpena afire paa ɔ;

Mateo 13:47

“Asa koso, nyameɛso ahennie ne, ɔte kyɛ asawu bɔ bɛto beguale ɛpo nu ná obungamone naen ahoroɔ pee ɔ;

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Nyekyire 18:12

esikaa kɔkorɛ, ɛdwetɛ, nyɔboɛ bɔ ye nyɔboɛ yɛ se paa ɔ, afire paa, nwera paa, kende, serekye ne ago, mmakaa fonafona amukoraa, nningyein bɔ bafa ɛsoen gye bali adwii bayɔ amukoraa, nningyein bɔ bafa ndaboa paa, kɔɔbere, buralɛ ne nyɔbosanyene bayɔ amukoraa;

Nyekyire 21:21

Na anoa buru ne nyɔ nemɔ bɛte mbembenanneɛ buru ne nyɔ; bɛfale mbembenanneɛ ko yeɛ bɛyɔle anoa ko biala ɔ. Na kuro ne dwaaso te sikaa kɔkorɛ paa bɔ ye nye te kaenn kyɛ neanu ɔ.