Mateo 13:39 - AHYERƐLƐ KRONGRON

³⁹ Pɔfoɛ bɔ oluale ne ole abɔnzam; ye telɛ mmerɛ ne ole ewiase ayieleɛ, na bɛ bɔ bɛte ne ole abɔfo mɔ.

Mateo 13:39 Iomraidhean Croise

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Yoel 3:13

Ɛmɔ, ɛ́mɔfa dadeɛ koateɛ bɛhɔ, ofikyɛ buberɛ ne adwu; ɛ́mɔdwu bɛhɔ nu, ofikyɛ nekaa bɔ betwi nzaa ne wayi; angora nemɔ bayi babu bafa so, ofikyɛ b’amumuyɛɛ ne te piri.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 13:25

Na mmerɛ bɔ mmenia bɛlelale ne, ye pɔfoɛ wale ooluale ngyɛngyɛma forale atokoɔ ne, na ofili berɛ hɔle.

Mateo 13:28

Na obuale bɛ kyɛ, ‘Pɔfoɛ bie yeɛ wayɔ sɔ ne oo.’ Yeɛ ngoaa nemɔ bisale ye kyɛ, ‘Ekuro kyɛ yɛkɔ ná yɛkotutu ngyɛngyɛma ne anaa?’

Mateo 13:40

Na kyɛbɔ betutuli ngyɛngyɛma ne ná bɛfale see bɛyerale bɛ ne, sɔ ala yeɛ ɔkɔyɛ wɔ ewiase ayieleɛ ne ɔ.

Mateo 13:49

Sɔ ala yeɛ ɔkɔyɛ wɔ ewiase ayieleɛ ne ɔ. Abɔfo mɔ kɔwa bɛkɔɔpa nu bɛkɔye bɔnefoɛ bekofi teneneefoɛ nu,

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Korintofoɛ 10:11

Ɛhe amukoraa tole bɛ maa ɔyɛle kɔkɔbɔlɛ, na bɛhyerɛ bɛtole berɛ bɛfa betuli yɛ foɛ, yɛ bɔ wiase ayieleɛ mmerɛ ne wato yɛ ne.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 9:26

Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Yuda 1:14

Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.