Mateo 13:37 - AHYERƐLƐ KRONGRON

³⁷ Na obuale bɛ kyɛ, “Bɔ odua mmakaammaa paa ne ole Sona Awa ne;

Mateo 13:37 Iomraidhean Croise

Yesaya 28:28

Kuaniɛ otĩ ayuo yeɛ ɔfa yɛ paanoo ɔ, yiti onhia kyɛ ɔkɔboro ayuo ne kɔhyɛ ɔ. Na sɛ ɔfa ye teaseɛnam mɔ bɛ gya otwi fa so, ná ɔma ye mbɔngɔ natenate so a, ondi ayuo ne.

Mateo 10:40

“Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Mateo 13:24

Yesu buli bɛ anyandera foforɛ kyɛ, “Nyameɛso ahennie ne, ɔte kyɛ biaa bie bɔ oluale mmakaammaa paa wɔ ye fieso ɔ.

Mateo 13:27

Yiti biaa ne, ye ngoaa wale ye berɛ beesele ye kyɛ, ‘Yɛ mene, aso nna mmakaammaa paa yeɛ eluale ye wɔ wɔ fie ne aso ɔ? Na ngyɛngyɛma ye de, ofi nisua?’

Mateo 13:4

Na ɔpete nen, bakaammaa ne bie ooguale atee noa, na nnomaa wale beesusole.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

Hebrifoɛ 1:1

Daa tete ne, mmerɛ pee nu ne atee ahoroɔ so yeɛ Nyameɛ nate ngɔmhyɛlɛfoɛ so dwudwo hyirele yɛ nana mɔ ɔ;

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.