Mateo 13:36 - AHYERƐLƐ KRONGRON

³⁶ Yesu yakyili ɛlɔen ne ate, na ɔhɔle awuro. Na ye asuafoɛ nemɔ wale ye berɛ beebisale ye kyɛ, “Kyire yɛ ngyɛngyɛma anyandera ne abo.”

Mateo 13:36 Iomraidhean Croise

Mateo 13:1

Ɛlɛho ne ala, Yesu fili awuro ɔɔtenane ase wɔ mboanoa.

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Mateo 13:18

“Kuaniɛ ne nwo anyandera ne, ɛ́mɔtie ye bo hyirelɛ.

Mateo 13:25

Na mmerɛ bɔ mmenia bɛlelale ne, ye pɔfoɛ wale ooluale ngyɛngyɛma forale atokoɔ ne, na ofili berɛ hɔle.

Mateo 14:22

Berɛ ne ala, Yesu hyɛle asuafoɛ nemɔ kyɛ bɛ́fo ɛlɛen nu beli moa bɛhɔ asue ne asi dɔ, ná ye de ogua ɛlɔen ne ate koraka.

Mateo 15:39

Na oguale ɛlɔen ne atee nen, ɔtenane ɛlɛen nu hɔle Magadan mbɔtam.

Mateo 9:28

Odwuli awuro nen, anyesiniwaafoɛ nemɔ wale ye berɛ, na Yesu bisale bɛ kyɛ, “Aso ɛmɔde bedi kyɛ ngɔhora ngɔsa ɛmɔ anwonyerɛ?” Na bebuale kyɛ, “Yoo, Awurade.”

Marko 4:34

Anyandera ngome nu yeɛ odwudwo hyirele bɛ ɔ, nakoso sɛ né ɔka ye ne ye asuafoɛ nemɔ ngome de a, okyirekyire bɛ ye mukoraa bo.

Marko 6:45

Na berɛ ne ala, Yesu mane ye asuafoɛ nemɔ fole ɛlɛen nu, kyɛ beli ye nyunu moa bɛhɔ asue ne asi dɔ, wɔ Betesaeda bue nu dɔ, ná ye de ogua ɛlɔen ne ate koraka.

Marko 7:17

Na ofili mmenia ne anu berɛ hɔle awuro nen, ye asuafoɛ nemɔ bisale ye anyandera ne abo.

Marko 8:9

Bɛ bɔ bedidili ne, bɛkɔyɛ apee nna. Na oguale bɛ ate.