Mateo 13:32 - AHYERƐLƐ KRONGRON

³² Ye yeɛ ɔte mmakaammaa mukoraa nu kãa ɔ, nakoso sɛ onyi a, ɔyɛ piri tra kwaanzusuaa sɛso mmakaa mukoraa, na onyi yɛ bakaa ma ewienu nnomaa bayɛ bɛ saen wɔ ye mmaen nemɔ so.”

Mateo 13:32 Iomraidhean Croise

Edwein 104:12

Asue nemɔ anoa yeɛ ɔte ewienu nnomaa b’atenaleɛ ɔ; bɛto dwein wɔ ye mmaen nemɔ anu.

Hesekiel 31:6

Ewienu nnomaa mukoraa bɛnwone bɛ saen wɔ ye mmaen frɔmfrɔm nemɔ anu; eburo ngaka mukoraa bɛwole bɛ mma wɔ ye mmaen nemɔ abo; na ye bo fɔnwoo ne anu yeɛ maen maen mbiri amukoraa bɛtenane ɔ.

Daniel 4:12

Ye nyaa yɛle nyemene, so mmaa yɛle pee, na ɔyɛle aleɛ mane ebiala. Eburo ngaka bɛɛlelale ye bo fɔnwoo ne anu, ewienu nnomaa bɛɛtenatenane ye mmaen nemɔ aso, na abɔdeɛ amukoraa benyane so aleɛ belili.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Marko 4:30

Yesu bisale kyɛ, “Nzikyɛ nwo yeɛ yɛkɔfa Nyameɛ ahennie ne yɛkɔtoto ɔ? Anaakyɛ anyandera beni yeɛ yɛkobu yɛkɔfa ye nwo ɔ?

Marko 4:32

Nakoso sɛ bedua a, onyi yɛ piri tra kwaanzusuaa sɛso mmakaa mukoraa. Na ɔyɛ mmaen ngandinga ma ewienu nnomaa bɛkora bɛnwo bɛ saen wɔ ye fɔnwoo ne anu.”

Luka 13:18

Na Yesu bisale kyɛ, “Nyameɛ ahennie ne, sɛɛ yeɛ ɔte ɔ, na nzikyɛ anwo yeɛ ngɔfa ngɔtoto ɔ?

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”