Mateo 13:3 - AHYERƐLƐ KRONGRON

³ Na ɔhane edwirɛ pee wɔ anyandera nu hyirele bɛ kyɛ, “Ɛ́mɔtie, kuaniɛ bie hɔle kyɛ ɔkwaapete ye bakaammaa.

Mateo 13:3 Iomraidhean Croise

Edwein 49:4

Ngɔyɛ asoɛ konn ngotie anyandera, ngɔbɔ sangoo ngɔpena m’anyandera nwo ndeaseɛ.

Edwein 78:2

Ngobukye me noa ngobu anyandera. Ngɔhã tete dwirɛ bɔ ye bo telɛ yɛ se ɔ,

Hesekiel 17:2

“Sona awa, kã Nana Nyameɛ nikyee bie bɔ ɔwɔ berɛ ɔ nwo dwirɛ, ná ka mvandoho dwirɛ kyire Yisraelfoɛ.

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Mika 2:4

Sɔ kyẽa ne, bekobu anyandera bɛkɔfa ɛmɔ nwo, ná basu babɔ awuye yeayea bahã kyɛ, “Edwirɛ piri ato yɛ oo! Wafa me maen agyapadeɛ ne bie oo! Nea kyɛbɔ wale wafi me sa nu ɔ! Wahyɛ yɛ boo mɔ wama bɛ bɔ bahye yɛ nnure ne.

Habakuku 2:6

Aso sɔ maen nemɔ amukoraa bɛngɔhã ye anyinga, aso bɛngɔhã ngorohoɛ dwirɛ bɛngɔfa ye nwo kyɛ, “Bɔ ɔsesa nningyein bɔ nna ye deɛ ahɔ ɔ ɔbɔ so ne, ye yaakɔ! Apoobɔlɛ nningyein bɔ ode ye, ɔkɔhɔ so koodwu kyinzu?”

Mateo 13:4

Na ɔpete nen, bakaammaa ne bie ooguale atee noa, na nnomaa wale beesusole.

Mateo 13:53

Yesu yiele sɔ anyandera nemɔ bu nen, ofili berɛ hɔle.

Mateo 22:1

Na Yesu dwudwo hyirele bɛ wɔ anyandera nu bieku kyɛ,

Mateo 24:32

“Borɔdoma bakaa nwo anyandera ne, ɛ́mɔma ɔyɛ nikyeesualɛ ma ɛmɔ: Sɛ ye mmaen nemɔ nya yɛ frɔmfrɔm, ná ɔfefɛ a, né ɛmɔse kyɛ ahuhuro mmerɛ apingye.

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 12:12

Na ahaa bɛpena kyɛ bɛkye Yesu ɔ, ofikyɛ benwuni kyɛ anyandera bɔ obuli ne, ɔne bɛ. Nakoso né besuro ɛlɔen ne, yiti bɛyakyili ye berɛ bɛhɔle.

Marko 3:23

Yiti Yesu frɛle bɛ wale ye nwo berɛ, na odwudwole wɔ anyandera nu hyirele bɛ kyɛ, “Ɔkɔyɛ sɛɛ né Abɔnzam ahora atu Abɔnzam?

Marko 4:13

Afei Yesu bisale bɛ kyɛ, “Aso ɛmɔnde anyandera he bo? Nzaade ɔkɔyɛ sɛɛ né ɛmɔate anyandera ne mukoraa bo?

Marko 4:33

Na Yesu fale anyandera sɔaa mɔ nu yeɛ ɔhane edwirɛ ne hyirele bɛ ɔ, kyɛbɔ bɛkɔhora bɛkɔte ye bo ɔ.

Luka 12:41

Yeɛ Petro bisale Yesu kyɛ, “Awurade, anyandera he, ebu ma yɛ, anaakyɛ ebu ma mmenia mukoraa?”

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Yohane 16:25

“Mahã ɛhemɔ mahyire ɛmɔ wɔ anyandera nu; na mmerɛ bie ɔ́ba bɔ mengodwudwo ngohyire ɛmɔ wɔ anyandera nu ko ɔ, na mmom ngɔhã Baba ne nwo dwirɛ ngohyire ɛmɔ pefee.