Mateo 13:24 - AHYERƐLƐ KRONGRON

²⁴ Yesu buli bɛ anyandera foforɛ kyɛ, “Nyameɛso ahennie ne, ɔte kyɛ biaa bie bɔ oluale mmakaammaa paa wɔ ye fieso ɔ.

Mateo 13:24 Iomraidhean Croise

Yesaya 28:10

Ofikyɛ ahyɛdeɛ tia ahyɛdeɛ, ahyɛdeɛ tia ahyɛdeɛ, edwirɛ tia edwirɛ, edwirɛ tia edwirɛ, ɛwa kãa, yeɛ dɔ kãa”

Yesaya 28:13

Ɔnate sɔ ati, AWURADE dwirɛ ne kɔyɛ bɛ so anu: ahyɛdeɛ tia ahyɛdeɛ, ahyɛdeɛ tia ahyɛdeɛ, edwirɛ tia edwirɛ, edwirɛ tia edwirɛ, ɛwa kãa, yeɛ dɔ kãa” Yiti bɛkɔhɔ bɛ nyunu moa, na bekofi ase bɛkɔtɔ nziɛ, bekopura, bɛkɔtɔ ngaen nu, ná bahye bɛ nnure bahɔ.

Hesekiel 17:2

“Sona awa, kã Nana Nyameɛ nikyee bie bɔ ɔwɔ berɛ ɔ nwo dwirɛ, ná ka mvandoho dwirɛ kyire Yisraelfoɛ.

Mateo 13:19

Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Mateo 13:25

Na mmerɛ bɔ mmenia bɛlelale ne, ye pɔfoɛ wale ooluale ngyɛngyɛma forale atokoɔ ne, na ofili berɛ hɔle.

Mateo 13:31

Yesu buli bɛ anyandera bieku kyɛ, “Nyameɛso ahennie ne, ɔte kyɛ sinapi baa ko bɔ biaa bie fa ooluale ye wɔ ye fieso ɔ.

Mateo 13:33

Yesu buli bɛ anyandera foforɛ bieku kyɛ, “Nyameɛso ahennie ne, ɔte kyɛ mɔle harewaa bɔ braa bie fa forale esam kongo nza maa odwuli kyɛ ye mukoraa tuli ɔ.”

Mateo 13:37

Na obuale bɛ kyɛ, “Bɔ odua mmakaammaa paa ne ole Sona Awa ne;

Mateo 13:47

“Asa koso, nyameɛso ahennie ne, ɔte kyɛ asawu bɔ bɛto beguale ɛpo nu ná obungamone naen ahoroɔ pee ɔ;

Mateo 18:23

Ye sɔ ati, nyameɛso ahennie ne, ɔte kyɛ ɛhene bie bɔ né ɔpena kyɛ ɔne ye ngoaa bebu ngondaa ɔ.

Mateo 20:1

“Nyameɛso ahennie ne, ɔte kyɛ eboo mene bie bɔ ngyerɛmɔ tutuutu ɔhɔle kyɛ ɔkwaabɔ adwumayɔlɛfoɛ paa maa bɛyɔ adwuma wɔ ye bobe boo nu ɔ.

Mateo 21:33

“Ɛ́mɔtie anyandera bieku! Eboo mene bie yɔle bobe boo. Olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Mateo 22:2

“Nyameɛso ahennie ne, ɔte kyɛ ɛhene bie bɔ ɔtole atɔmvorɛ poen mane ɔwa bienzua ɔ.

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Luka 13:18

Na Yesu bisale kyɛ, “Nyameɛ ahennie ne, sɛɛ yeɛ ɔte ɔ, na nzikyɛ anwo yeɛ ngɔfa ngɔtoto ɔ?

Luka 13:20

Yesu bisale bieku kyɛ, “Nzikyɛ nwo yeɛ ngɔfa Nyameɛ ahennie ne ngɔtoto ɔ?

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

1 Petro 1:23

Banwo ɛmɔ bamvi nikyee bɔ ɔporɔ ɔ nu, na mmom befili bɔ ɔmborɔ ɔ nu, bɔ bɛnate Nyameɛ dwirɛ bɔ ngoa wɔ nu ná otimu berɛ daa ne aso yeɛ bawo ɛmɔ foforɛ ɔ.