Mateo 13:23 - AHYERƐLƐ KRONGRON

²³ Na mmakaammaa bɔ beluale bɛ wɔ aseɛ paa so ne, ogyi berɛ ma ebiala bɔ ɔte edwirɛ ne ná ɔte ye bo ɔ; na ye yeɛ osu mmaa ɔ: ebie su ɛyaa, ebie su aburasia, yeɛ ebie su aburasa.”

Mateo 13:23 Iomraidhean Croise

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 36:26

Ngɔma ɛmɔ ahone foforɛ, ngɔfa sunzum foforɛ ngowura ɛmɔ nu; ngɔye nyɔboɛ ahone bɔ ɔwɔ ɛmɔ nu ne, na ngɔma ɛmɔ anwoɔnaen ahone.

Mateo 12:33

“Ɛ́mɔma bakaa ne ɔ́yɛ bakaa paa, ná ye mma ne ayɛ mmaa paa. Anaakyɛ, ɛ́mɔma bakaa ne ɔ́yɛ bakaa tɛɛ, ná ye mma ne ayɛ mmaa tɛɛ; ofikyɛ bakaa ye mma yeɛ bɛfa benwu ye baka sue ɔ.

Mateo 13:8

Bakaammaa ne bie koso ooguale aseɛ paa so; na besuli mmaa, ebie ɛyaa, ebie aburasia, ebie aburasa.

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Marko 10:15

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Marko 4:20

Na ebiemɔ koso te kyɛ mmakaammaa bɔ beguale aseɛ paa so ne. Bɛ yeɛ bɛte edwirɛ ne a, bede bɛto nu, na besu mmaa ɔ. Ebie su aburasa, ebie aburasia, yeɛ ebie koso ɛyaa.”

Luka 13:9

Sɛ osu mmaa afoɛ bieku a, ye de né ye paa nu ɔ; nakoso sɛ wanzu de a, né abu ye mato.’ ”

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Luka 8:8

Na ebie ooguale aseɛ paa so, befifili, na besuli mmɔhoɛ ɛyaa.” Na ɔhane sɔ dwirɛ ne nen, ɔteane nu sele kyɛ, “Bɔ ole asoɛ kotie ne, maa otie!”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

2 Korintofoɛ 9:10

Na Nyameɛ bɔ ɔma kuaniɛ bakaammaa maa odua ná ɔma ye aleɛ maa odi ne, ɔkɔma ɛmɔ mmakaammaa mmorosoɛ ná wama ɛmɔ adɔeɛ ne asu mmaa pee.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 4:17

Nna kyɛ mepena akyɛdeɛ hɔ ɔ; na mmom mepena mmaa bɔ ɔkɔma ɛmɔ ngondaa ne kɔsone ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

2 Tɛsalonika 2:10

Na ɔkɔfa nnakannaka ne amumuyɛɛ atee mukoraa so konya bɛ bɔ begu so bemini ne, ofikyɛ bɛyɛle asoserɛ wɔ nahorɛ bɔ ɔma daa ngoa ne nwo.

Hebrifoɛ 4:2

Bɛhane nzɛmba ne behyirele yɛ kyɛbɔ bɛhã behyirele bɛ ne ala, nakoso ye nwo amma mvasoɛ amma bɛ; ofikyɛ bamva gyidie banzɔ edwirɛ bɔ bɛtele ne anu.

Hebrifoɛ 6:7

Aseɛ bɔ ɔmeme nzue bɔ ɔtaa tɔ gua so, na ofifi aleɛ bɔ ye nwo hia ma mmenia bɔ bɛ ti yeɛ bɛyɔ so boo nen, Nyameɛ yira ye.

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.