Mateo 13:21 - AHYERƐLƐ KRONGRON

²¹ nakoso sɔ sona ne ondira ndii, na mmom ɔkora gyina mmerɛ kãa bie. Na sɛ ɔnate edwirɛ ne ati amaneɛnwunɛ anaa ndaneanyeɛ ba ye so a, berɛ ne ala ɔkakyi sundidua ma ye.

Mateo 13:21 Iomraidhean Croise

YOB NWOMAA NE 19:28

Sɛ ɛmɔka kyɛ, ‘Yɛkɔyɔ sɛɛ né yatane ye nye?’ ɔne kyɛ, ‘Amaneɛ bɔ onwu ye ne, ofi ye bɔbɔ’ a,

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Anyandera 12:12

Amumuyɛɛniɛ ye nye boro nningyein bɔ bɔnefoɛ benya ɔ, nakoso teneneeniɛ de, ye ndii tindim.

Anyandera 12:3

Sona ngora mva bɔneyɔlɛ nu mma onyie ye yé, nakoso teneneeniɛ de, okotira ndii bɔ ye bo ngotutu ɔ.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 11:6

Na sona bɔ nnde sundidua mma ye ne, wanya saleɛ.”

Mateo 13:20

Na mmakaammaa bɔ beguale ayɔboɛ so ne, ogyi berɛ ma sona bɔ sɛ ɔte edwirɛ ne a, ode to nu anigye so berɛ ne ala ɔ;

Mateo 13:57

Yiti bɛpole ye. Na Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro ne ye awuro.”

Mateo 13:6

Na eyia pukyele nen, bɛkesene, na ɔnate kyɛ bandira ndii ne ati, bɛyerale.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 26:31

Yeɛ Yesu sele bɛ kyɛ, “Me nwo kɔyɛ sundidua kɔma ɛmɔ amukoraa ɛnɛ kɔngɔen ye, ofikyɛ bahyerɛ ye kyɛ, ‘Ngopura mmoaenneafoɛ ne, na mmoaen bɔ bɛwɔ kure ne anu ne, bɛkɔbɔ aya.’

Mateo 26:33

Yeɛ Petro buale ye kyɛ, “Sɛ wɔ nwo kɔyɛ sundidua kɔma bɛ mukoraa po a, me de, ɔngɔyɛ sundidua ngɔma me le!”

Marko 4:17

nakoso ondira ndii wɔ bɛ nu, na ɔtena bɛ nu mmerɛ kãa bie; na sɛ ɔnate edwirɛ ne ati amaneɛnwunɛ anaa ndaneanyeɛ ba bɛ so a, berɛ ne ala ɔkakyi sundidua ma bɛ.

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Yohane 6:26

Na Yesu buale bɛ kyɛ, “Nahorɛ nu paa, mekã mekyire ɛmɔ kyɛ, nna kyɛ nzɛngyerɛnneɛ bɔ ɛmɔnwuni ye ne ati yeɛ ɛmɔpena me ɔ, na mmom paanoo bɔ ɛmɔlili mane ɛmɔ ko yili ne ati ɔ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Galatiafoɛ 6:12

Mmenia bɔ bɛpena anwoɔnaen nu animnyam nen, bɛ yeɛ bɛhyɛ ɛmɔ kyɛ ɛmɔpɛ ɛmɔ bienzua ɔ. Na bɛyɔ sɔ kyɛbɔ Kristo mmeamudua ne ati mmenia ngɔtane bɛ nye ɔ.

Galatiafoɛ 6:15

Sɛ ebie pɛ ye bienzua oo, wambɛ ye bienzua oo, nu biala nwo nhia; kyɛ bɛkɔwo wɔ foforɛ yeɛ ohia ɔ.

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

2 Timoteo 1:15

Ɛse kyɛ bɛ bɔ bɛwɔ Asia amukoraa bayakyi me nu bahɔ; Figɛlo ne Hɛmogen koso bɛboka so.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.