Mateo 13:19 - AHYERƐLƐ KRONGRON

¹⁹ Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Mateo 13:19 Iomraidhean Croise

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 17:16

Mvasoɛ beni yeɛ ɔwɔ so kyɛ kwaseaa kotua sikaa kɔtɔ nworɛ, wɔ aberɛ bɔ onnya ɔyyɛle ye adwene kyɛ okosua nworɛ ɔ?

Hesekiel 31:18

Eden mmakaa nu beni yeɛ w’animnyam ne wɔ piri ɔne ye sɛ ɔ? Nakoso bɛkɔfa wɔ ne Eden mmakaa bɛkɔhɔ aseɛ bo; ɛkɔɔboka bɛmbɛ-bɛ-bienzuafoɛ so, ɔne bɛ bɔ batotɔ ngrandɛ noa ɔ so. “Ɛhe fa Faro ne ye lɔen worawora ne amukoraa anwo, AWURADE Nyameɛ noa dwirɛ ɛne.”

Mateo 12:26

Na sɛ Abɔnzam tu Abɔnzam de a, né nzaade ɔne ye nwo bɛko; na ɔkɔyɛ sɛɛ né ye ahennie ne agyina?

Mateo 13:20

Na mmakaammaa bɔ beguale ayɔboɛ so ne, ogyi berɛ ma sona bɔ sɛ ɔte edwirɛ ne a, ode to nu anigye so berɛ ne ala ɔ;

Mateo 13:38

eboo ne ole ewiase, na mmakaammaa paa ne ole ahennie ne mma; yeɛ ngyɛngyɛma ne ole bɔnefoɛ ne mma.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 5:37

Ɛ́mɔma ɛmɔ ‘Yoo’ yɛ ‘Yoo’ ná ɛmɔ ‘Daabi’ yɛ ‘Daabi.’ Ɛhe pa ye nwo a, bɔ ɛmɔkɔhã biala fi bɔne nu.

Marko 4:15

Mmenia biemɔ te kyɛ mmakaammaa bɔ beguale atee noa ne. Sɛ bɛte dwirɛ ne a, berɛ ne ala Abɔnzam ba, na ɔye edwirɛ bɔ balua ye bɛ nu ne kɔ.

Luka 10:9

ɛ́mɔsa nu ayarefoɛ anwonyerɛ, ná ɛmɔhã behyire berɛ ama kyɛ, ‘Nyameɛ ahennie ne apingye ɛmɔ.’

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Yohane 18:38

Na Pilato bisale ye kyɛ, “Nahorɛ, ye ole nzu?” Na ɔhane sɔ dwirɛ nen, afei ofite hɔle Yudafoɛ nemɔ berɛ bieku, na osele bɛ kyɛ, “Me de, mennwu foɛ biala bɔ odi ɔ.

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

Asomafoɛ 18:15

Nakoso kyɛbɔ waayɛ edwirɛ, ɔne dumaa ne ɛmɔ bɔbɔ ɛmɔ mmeraa nwo aporowaasulɛ ye de, ɛmɔ bɔbɔ beesiesie; na edwirɛ sɔaa mɔ de, mengɔyɛ ye nwo ndɛenbualɛniɛ!”

Asomafoɛ 20:25

“Na afei, ɛ́mɔtie. Mahyini ɛmɔ amukoraa so mahã Nyameɛ ahennie ne nwo dwirɛ, na kekesaala ye de, mese kyɛ ɛmɔ nu biala ngonwu me ko.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 2:8

Yiti Nyameɛ kɔfɛ bɛ bɔ bɛte pɛsɛmangomenya ná bɛyɛ nahorɛ ne nwo asoserɛ, ná afei bedi bɔne si ne aso yaa piri paa, ná wamaa banwu amaneɛ.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

2 Tɛsalonika 2:12

Yiti bekobua bɛ bɔ banne nahorɛ ne banni, na mmom bɛ nye gye bɔ ɔndengyɛ nwo ne amukoraa ndɛen.

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

1 Yohane 5:18

Yɛse kyɛ ebiala bɔ Nyameɛ awo ye ne, ɔnyɔ bɔne; na mmom bɔ Nyameɛ awo ye ne, ɔnea ye nwo so, na bɔnefoɛ ne mva ye sa nga ye.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.