Mateo 13:15 - AHYERƐLƐ KRONGRON

¹⁵ Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Mateo 13:15 Iomraidhean Croise

Edwein 119:70

B’adwene ala kyɛ nguɛ, nakoso me de, me nye gye wɔ mmeraa ne anwo.

Anyandera 16:30

ɔbɔ ye nye kyire ɔfa dwene adwene tɛɛ, yeɛ ɔbesebese ye noa ɔbɔ porɛ tɛɛ.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Yesaya 57:18

Manwu ye atee bɔ ɔnate so ɔ, na ngɔsa ye anwonyerɛ, ngɔyɛ ye taataa, ná makyekye ye wora, na ye mmenia bɔ bedi aworabɔlɛ ne, ngɔma bɛ noa dwirɛ kɔyɛ ayɛyelɛ.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yeremia 17:14

Ao AWURADE, sa me anwonyerɛ, na ngɔte apɔ; pepɛ de me, na ngonya ngoa, ofikyɛ wɔ yeɛ ɛte m’ayɛyelɛ ɔ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Yeremia 3:22

Ao mmaa asoserɛfoɛ, ɛ́mɔsa bɛbra, na ngɔsa ɛmɔ asoserɛ ne anwonyerɛ. Yɛsrɛ wɔ, yɛba wɔ berɛ, ofikyɛ wɔ yeɛ ɛte AWURADE yɛ Nyameɛ ɔ.

Yeremia 33:6

Tie, ngɔma kuro he anwo kɔsande ye ná wate apɔ, na ngɔsa bɛ anwonyerɛ. Na ngɔla asomdwee ne nahorɛlilɛ mmorosoɛ ali ngohyire bɛ.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Sakaria 7:11

Nakoso bɛpole kyɛ bekotie ɔ, bɛpemone b’awaen, yeɛ betuatuale bɛ so, kyɛbɔ bɛngɔte ɔ.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 19:42

“Wɔ, sɛ ɛnɛ ye po yeɛ wɔ bɔbɔ ala ɛse bɔ ɔfa asomdwee ba a, ahaa ɔte paa! Nakoso kekesaala ye de, bafa bafea wɔ.

Asomafoɛ 28:27

Ofikyɛ maen he b’adwene ala, batuatua bɛ so, yeɛ bamuamua bɛ nye. Anyɛ a, né bɛ nye anwu nikye, né bɛ so ate dwirɛ, né b’adwene ate dwirɛ bo, ná basa bawa me berɛ maa masa bɛ anwonyerɛ.’ ”

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 7:57

Berɛ ne ala badwafoɛ ne teane nu serɛserɛ, bɛfale bɛ sa betuatuale bɛ so, na bɛbɔle twi bɛɛto bɛhyɛle ye so.

2 Timoteo 4:4

Bekotuatua bɛ so wɔ nahorɛ ne anwo, ná baatie ɛhoaa mmom.

Hebrifoɛ 5:11

Yɛle ɛhe nwo dwirɛ pee paa yɛkã, nakoso nu hyirehyirelɛ kɔyɛ se; ofikyɛ ɛmɔkyɛ koraa né ɛmɔate dwirɛ bo.

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.