Mateo 12:7 - AHYERƐLƐ KRONGRON

⁷ Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.

Mateo 12:7 Iomraidhean Croise

YOB NWOMAA NE 32:3

Ye ahone huli Yob nnamvo nza nemɔ koso so, kyɛ bangora banye Yob dwirɛ ne noa ɔ, nakoso babua ye fɔ ɔ.

Edwein 109:31

Ofikyɛ ogyi sona bɔ ɔyɛ anwumvo ɔ ye sa famaa so, kyɛ ode ye fi bɛ bɔ babua ye ewue foɛ ɔ bɛ sa nu.

Edwein 94:21

Bɛbɔ nu bɛbɔ teneneefoɛ nwo porɛ kyɛ bekohu bɛ, na bebua bɛ bɔ bedi be ɔ foɛ kyɛ behũ bɛ.

Anyandera 17:15

Ebiala bɔ obua bɔnefoɛ be, ɔne ebiala bɔ obua teneneeniɛ fɔ ne, AWURADE kyi bɛ munyɔ kɔkɔkɔkɔ.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Mateo 22:29

Yeɛ Yesu buale bɛ kyɛ, Ɛmɔafõ, ɔnate kyɛ ɛmɔnze Ahyerɛlɛ ne, anaa Nyameɛ tumi ne.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Marko 12:33

na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.

Yosua 5:5

Bɛ bɔ befili Misraim bɛwale ne, né bapɛ bɛ mukoraa bɛ bienzua; nakoso ye si ye bɔ befili Misraim bɛwale ne, bɛ bɔ bɛwole bɛ atunu amukoraa wɔ ɛserɛ ne aso de, né bennya bɛppɛle bɛ bienzua.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.