Mateo 12:45 - AHYERƐLƐ KRONGRON

⁴⁵ Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 12:45 Iomraidhean Croise

Lewitikɔso 13:20

Odi kyɛ ɔsɔfo ne neanea ye nwo, na sɛ onwu kyɛ wadidi wahɔ ye wereɛ nu ná ye nwiaa ayɛ hoyaa a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɛne, wala ali wɔ mbɔmbɔ ne anu.

Mateo 12:24

Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 12:44

Na afei ɔkã kyɛ, ‘Ngosa ngɔhɔ me sua bɔ mvili nu mmale ne anu.’ Na ɔba a, ɔbato ye kyɛ ɔla berɛ too, bɔ bapoapoa nu, ná basiesie nu ɔ.

Mateo 17:21

Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Mateo 23:24

Anyesiniwaafoɛ bɔ ɛmɔkyire atee ɔ, bɔ ɛmɔsongyi anonneɛ so bɛye nwɔsea bɛto, nakoso ɛmɔme afupɔngɔ ɔ!

Marko 16:9

[Na kyẽa bɔ oli moa ne ngyerɛmɔ tutututu bɔ odwɔsole nen, olili moa yele ye nwo ali hyirele Maria Magdalene, bɔ otuli sunzummɔne nzoo fili ye nu ne.

Marko 5:9

Afei Yesu bisale ye kyɛ, “Wɔ dumaa li sɛɛ?” Na obuale kyɛ, “Me dumaa li Ɛlɔen, ofikyɛ yɛsone.”

Luka 11:26

Afei ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne.”

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.